Eu

Euskal Merkataritzaren Behatoki berrituak egoitza digitala estreinatu du

2019.eko abenduak 27

Euskal Merkataritzaren Behatoki berrituak egoitza digitala estreinatuko du, eta bertatik herritarrek, administrazioak eta sektoreak beren txostenak, azterketak, estatistikak eta edukiak eskuratu ahal izango dituzte. Behatokiaren misioa da Euskal Autonomia Erkidegoko merkataritza-sistemaren jarraipena egitea eta Estatuan eta Europan dauden joerak atzematea. Horretarako, enpresa-sarearen lehiakortasuna hobetzera, politika instituzionalen eraginkortasuna hobetzera eta kontsumitzaileen gogobetetzea hobetzera bideratutako estatistika-informazioa ekoitzi, bildu eta ebaluatuko da.

Retailaren sektoreari aplikatutako merkatu-adimena Turismo, Merkataritza eta Kontsumo Sailaren ildo estrategikoetako bat da. Azken hilabeteetan, hausnarketa sakona egin da euskal merkataritzaren sektoreari eskaintzen zaion estatistika- eta joera-informazioari buruz eta hura erabakiak hartzea ahalbidetzen duten tresnei buruz. Egoitza digital berria lanaren emaitza da, eta datozen asteetan, gainera, material eta eduki berriak txertatzen joango dira bertan.

Merkataritzaren Euskal Behatoki berria azterketa-prozesu horren emaitza da, eta, euskal administrazioak egindako merkataritzari buruzko estatistika ofizialaz gain, joerak dituzten dokumentuak, bistaratzeko tresnak eta konparaziozko grafiko dinamikoak biltzen ditu, bai eta sektorearen errealitatea aztertu eta etorkizunera begirako aholkuak ematen dituzten azterlanak ere.

Euskadiko Merkataritzaren Behatoki berriaren zeregina ezagutza sortzea, kudeatzea eta erabiltzea da, sektorea berritzeko eta lehiakortasuna hobetzeko funtsezko gai gisa, bai eta Euskadin dituen politikak dinamizatzeko ere. Horretarako, behaketa- eta azterketa-prozesuak eta, oro har, sistemarako ezagutza sortzeko prozesuak garatuko ditu. Eusko Legebiltzarrak euskal merkataritzaren sektoreari eskainitako Osoko Bilkura monografikoaren ondoren Jaurlaritzak sektorearekin hartu zuen konpromisoetako bat da Behatokia.

3 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • @gananzia
    2019.eko abenduak 30

    Comentario de Twitter:
    El renovado Observatorio del Comercio Vasco estrena sede digital https://t.co/caRMe2ezKR https://t.co/b7KeokhCr2

  • @F_Ezkerraldenda
    2019.eko abenduak 27

    Comentario de Twitter:
    RT @DptoTurComCon: El renovado Observatorio del Comercio Vasco estrena sede digital. https://t.co/7ZTF7QEiUb https://t.co/NQBtlus3ne

  • @DptoTurComCon
    2019.eko abenduak 27

    Comentario de Twitter:
    El renovado Observatorio del Comercio Vasco estrena sede digital. https://t.co/7ZTF7QEiUb https://t.co/NQBtlus3ne

Komunikabideek behera kargatzeko