Berriak Enplegua eta Gizarte Politikak

Artolazabal sailburuak Gobernu Kontseiluari Arabako Foru Aldundiarekin enpleguaren eta gizarteratzearen eta laneratzearen arloan izango duten jarduketa-protokoloaren berri eman dio (Gobernu Bilera 2019-12-17)

2019-12-17

Beatriz Artolazabal sailburuak Gobernu Kontseiluari Enpleguko eta Gizarte Politiketako Sailak eta Lanbidek Arabako Foru Aldundiarekin enpleguaren eta gizarteratzearen eta laneratzearen arloan izango duten jarduketa-protokoloaren berri eman dio. Datozen egunotan, bi erakundeek lankidetza-akordioa sinatu eta aurkeztuko dute.

Eusko Jaurlaritzako Enpleguko eta Gizarte Politiketako Sailak eta Arabako Foru Aldundiak, jarduketa-protokolo orokor horren bidez, Gizarte Zerbitzuen Euskal Sistemak eta Enpleguko eta diru-sarrerak bermatzeko sistemak emango duten arreta hobetuko dute, Gobernuak sustapen ekonomikoarekin, enpresa-egituraren produktibitatearekin, enpleguarekin, ekintzailetzarekin, enpresa-espirituarekin eta gizarte-politikekin zerikusia duen ekintzan Arabako Lurralde Historikoan eraginkortasun eta efizientzia handiagoa eskuratzeko.

Sinatuko den akordioak ez du zuzeneko eduki ekonomikorik, alegia, bertan ez dira zuzenean exekutagarriak diren konpromiso ekonomikoak ezartzen.

 

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko