Eu

Gobernua euskal ganberako bost legebiltzar-taldeek ehizari buruzko Legea aldatzeko batera aurkeztutako proposamenaren alde dago (Gobernu Bilera 2019-12-10)

2019.eko abenduak 10
  • Eusko Jaurlaritzaren iritziz, testuak erabat errespetatzen ditu berezko araudi-esparrua, foru-aldundien eskumenak eta Euskadiren ezaugarri fisikoak
  • Ehiza eta herritarren segurtasuna, espazioen erabilera publikoa eta naturaren kontserbazioa uztartzeko beharrezko euskarria izango da 

Gobernu Kontseiluak, gaur, martxoaren 17ko Ehizari buruzko 2/2011 Legea Aldatzeko Lege Proposamena aintzat hartzearen aldeko irizpena eman du. Euskal Ganberako bost legebiltzar-taldeek batera aurkeztutako ekimena da, eta haren helburua da praktikan legearen helburuen eta egungo idazketaren ondorio praktikoen artean dauden konfrontazioak zuzentzea.

Gobernuaren iritziz, Legebiltzarraren ekimen bateratuak erabat errespetatzen ditu ehiza-arloko berezko araudi-esparrua, foru-aldundien eskumenak eta Euskadiren ezaugarri fisikoak: populazio-dentsitate handiko lurraldea da, eta landa-guneak oso humanizatuta daude; beraz, ehizaren kudeaketa egokia ezinbestekoa da.

Gainera, foru-erakundeen irizpidearen bidez egiaztatutako eta oinarritutako lege-proposamena da, haiek ezagutzen baitute Euskadin ehizak bizi duen egunerokotasunaren errealitatea. Beraz, beharrezko euskarria izango da ehizaren jarduera herritarren segurtasunarekin, espazioen erabilera publikoarekin eta naturaren kontserbazioarekin uztartu daitekeela bermatzeko.

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau
Komunikabideek behera kargatzeko