Irune Muguruzak “2018-2022rako Familia eta Haurrentzako IV. Laguntza Planak gizarte-kohesiorako duen eragin positiboa” nabarmendu du
- Gurutzetako Haur eta Nerabeentzako Baliabide Zentroaren inaugurazioa, Barakaldon
Barakaldo, 2019 11 27
Irune Muguruza Eusko Jaurlaritzako Familia Politikako eta Aniztasuneko zuzendariak, gaur arratsaldean, “2018-2022rako Familia eta Haurrentzako IV. Laguntza Planak familien, haurren eta nerabeen ongizaterako, kontziliaziorako eta emantzipaziorako duen eragin positiboa” nabarmendu du, “benetako bultzada gizarte-kohesiorako”.
Muguruzak Gurutzeta auzoko Bakea kaleko (Barakaldo) Haur eta Nerabeentzako Baliabide Zentroaren inaugurazio-ekitaldian parte hartu du, Amaia del Campo udalerriko alkatearekin batera. “Jarduketa-plan horren esparruan, dagoeneko hobetu dira familientzako seme edo alabako edo kontziliazioko laguntzak, doakotasuna ezarri da 18.000 eurotik beherako diru-sarrerak dituzten familientzako Haurreskolan eta haur eta nerabeei arreta emateko “Zeuk Esan" zerbitzua (116 111 telefonoa) dugu".
“Baliabide-zentro hau martxan jartzeko auzolanaren espiritu horretan, baliabide gutxien duten familientzako laguntza gehiago lortzen duzue, umeentzako hezkuntza-indargarriaren bidez, pobrezia transmititzeko zikloa apurtzeko eta Barakaldon adingabe horiei aukerak sortzeko modu gisa. Zentro berri honen esparru den Haur Pobreziaren aurkako Borroka Programa posible egiten duzue, hura erabiltzen duten umeek eta nerabeek seguru egoteko babeslekua aurkitu ahal izateko”, esan du Muguruzak.
