Berriak Enplegua eta Gizarte Politikak

Gazteen Euskal Behatokia: 2018an, 15 eta 29 urte bitarteko 1.278 emakumek indarkeria matxista salatu zuten Segurtasun Sailaren arabera

2019.eko azaroak 23
  • Azaroak 25, Emakumeen Kontrako Indarkeriaren Aurkako Nazioarteko Eguna
  • Satevi - indarkeriaren biktima diren emakumeei arreta emateko urruntizkina: 900 840 111

VG 2019 11 23

Azaroaren 25ean Emakumeen Kontrako Indarkeriaren Aurkako Nazioarteko eguna dela-eta, Gazteen Euskal Behatokiak aztertu ditu Emakundek eta Eusko Jaurlaritzaren Segurtasun Sailak emandako datuak. Datuok emakumeen kontrako indarkeriaren ingurukoak dira. Datuek adierazten dute EAEko poliziak ofizialki jasotakoak indarkeria matxista zenbat emakumek salatzen duten. 2018an Euskadin 4.244 emakumek beraien kontrako indarkeria matxista salatu zuten. Haien artean, 1.278 gazteak ziren, 15 eta 29 urte bitartekoak hain zuzen ere.

Bai emakume gazteen bai 30 urte baino gehiago dutenen artean ere, ohikoena den indarkeria matxista bikotekideak edo bikotekide ohiak eragindakoa da. 2018an horrelako indarkeria matxista 908 emakumek salatu zuten. Datu hori adin-taldeen arabera aztertuz gero honakoa ikus dezakegu: 15 eta 19 urte bitarteko 159 emakumek salatu zuten, 20 eta 24 urte bitarteko 337k; azkenik, 25 eta 29 urte bitarteko 412k. Senide batek, hau da, familiako batek (bikotekideak edo bikotekide ohiak izan ezik) eragindako indarkeria matxista 15 eta 29 urte bitarteko 184 emakumek salatu zuten 2018an. 30 urte edo gehiago dituztenen artean, 686k salatu zuten.

Sexu-askatasunaren aurkako delituetan emakume gazteen eta 30 urte edo gehiagokoen arteko datuak gerturatu egiten dira. Gazteen artean 186 emakumek askatasun-sexualaren aurkako indarkeria salatu zuten (15 eta 19 urte bitarteko, 100; 20 eta 24 urte bitarteko 51 eta 25 eta 29 urte bitarteko 35). 30 urte edo gehiago dituzten emakumeen artean 199k askatasun-sexualaren aurkako indarkeria salatu zuten 2018an.

Genero-indarkeriaren biktima diren emakumeen tasek (adin-talde bereko 1000 emakumeko kalkulatuak) ezberdintasun nabariak agertzen dituzte emakume gazteen eta 30 urtetik gorakoen artean (‰ 9,1 eta ‰ 3,6 hurrenez hurren). Emakume gazteen artean tasa handiagoa izateak ez du esan nahi indarkeria matxista gehiago jasaten dutenik, baizik eta indarkeriari tolerantzia txikiagoa diotela, hau da, emakume gazteak ahaldunduago daudela.

Gazteekin eztabaida eta hausnarketa prozesu hauek sortu eta helerazi nahi horrretan jaio zen 2009an Beldur Barik programa, BERDINSAREA izeneko sarearen barruan. Gaur egun, Emakunde-Emakumearen Euskal Erakundeak antolatzen du, Berdinsarea-Eudelen eta Araba, Bizkaia eta Gipuzkoako Foru Aldundien bultzadarekin batera. Gainera, Eusko Jaurlaritzako Hezkuntza Sailaren, Euskal Herriko Unibertsitatearen (UPV-EHU) eta EITB-ren laguntza dauka.

Beldur Barik da EAEko instituzioek indarkeria sexista prebenitzeko gazteei zuzendutako programa, elkarlanean bultzatuta eta bere helburua da, gazteekin batera hausnarketa eta eztabaida prozesuak sustatzea, jendarte eraldaketan laguntzeko eta berdintasun-gizarterako bidean aurrera egiteko. 2019an hamar urte betetzen ditu eta hori ospatzeko Topaketa antolatu du Bilbon.

Topaketa lehiaketako saridunak ezagutzeko espazioa izateaz gain, bere helburua ere bada indarkeria sexistaren aurkako borrokan dabiltzan ekimen, talde eta pertsonak hurreratzea, baita, gazteek indarkeria sexistari aurre egiteko eta indarkeria gainditzeko erabiltzen dituzten diskurtso eta jardunbideak balioesteko gunea izatea ere.

https://www.beldurbarik.eus/ya-viene-la-topaketa-de-beldur-barik/

 

Oraindik ez dago iruzkinik
  • Zerbait esan nahi duzu?… iruzkindu albiste hau
Ekitaldiko kargudunak
(XI legealdia 2016 - 2020)