Berriak

URAk Mallabiako hondakin urak Apraizko araztegira bideratzeko saneamendu-lanak lizitatu ditu

2019-09-20

URAk lizitatu ditu Mallabiako hondakin urak Apraizko hondakin uren araztegira (HUA) bideratzeko saneamendu-lanak. Lizitazio-aurrekontua 1.024.063,73 €koa da, eta esleitzen direnetik, 8 hilabeteko epea aurreikusten da lanak burutzeko.

Lanok hondakin uren ponpatze-estazio berri bat aurreikusten dute, gaur egungo araztegiaren parean; baita 116 m luze eta 150 mm diametroko hodi batetik hondakin urok saneamendu sarera arte bultzatzeko lanak, zein herrigune osoko urak biltzeko kolektore-adarrak ere (hots, urak bideratzeko grabitatea baliatzen duten 3 kolektore egingo dira: PVCzko315 mm diametro-zabalerakoak).

Alegia, lan-mota desberdinak burututakoan, gaur egungo HUAren isurketa ordezkatu, eta hondakin urok,  ponpatze-estazio berri batek bultzatuta, Apraizko HUAra bideratuak izango dira, bertan tratatuak izateko.

Helburu hori behin lortutakoan, gaur egungo HUA kokatuta dagoen eremua lehengoratuko da: azpiegitura bera eraitsiz, bertan diren ekipamendu mekaniko eta elektrikoak kenduz eta zonaldearen Ingurumena lehengoratuz.

Aurreikusitako lanok burututakoan, Mallabiako hondakin urak Apraizko HUAn tratatuko ditu Gipuzkoako Ur Partzuergoak.

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak
(XI legealdia 2016 - 2020)