Berriak Industria, Berrikuntza, Merkataritza eta Turismoa
Eu

Euskal AEko industri jarduera %6,7 hazi zen 2011ko otsailean

2011.eko apirilak 06

Euskal AEko industri produkzioa, aurreko hilarekin, 2011ko urtarrilarekin alderatuta %3,8 igo zen

Eustatek landutako datuen arabera, 2011ko urtarrilean %6,7 hazi zen Euskal AEko industri produkzioa lan-egutegiko baldintza homogeneoetan, 2010eko hil beraren aldean. Urtaroen eragina zuzenduta, %3,8 hazi zen Euskal AEko industri produkzioa, 2011ko urtarrilarekin alderatuta.

Sektoreen arabera, eta industri sektore nagusiak sailkatu ostean, 2011ko otsaileko indizearen bilakaerak den-denen igoerak erakusten ditu, 2010ekoaren aldean. Energia %9,9 igo da, Bitarteko ondasunak %10,7, Ekipo-ondasunak %2,2, Kontsumo-ondasunak %0,6. Azken horien barruan, Kontsumo-ondasun ez-iraunkorrak %4,2 igo dira eta Kontsumo-ondasun iraunkorrak %10,5 jaitsi.

2011ko otsaileko hil arteko aldakuntza, 2011ko urtarrilaren aldean, positiboa izan da industria talde handi guztientzat, Ekipo-ondasunetarako izan ezik, non ez dagoen (%0,0) aldaketarik. Energia %2,0 igo da, Bitarteko ondasunak %4,2; Kontsumo-ondasunak %5,5. Azken horien barruan, Kontsumo-ondasun ez-iraunkorrak %7,6 igo dira eta Kontsumo-ondasun iraunkorrak %1,9 jaitsi.

2011ko otsailean hazkunderik handienak izandako sektoreak, aurreko urteko hil beraren aldean, Garraio materiala (%15,5) eta Elikadura industriak, edariak eta tabakoa (%10,2) izan dira.

Euskal AEko Industri Produkzioaren Indizea  Sektore nagusiak. Urte arteko hazkunde-tasak. A-38 sektorizazioa. Behin-behineko datuak

Berriz, Energia elektriko, gas eta lurrun sektoreak urte arteko %7,8ko jaitsiera izan du.

Otsaileko Industri Produkzioaren Indizearen urte arteko bilakaera positiboa izan da Araban (%13), Bizkaian (%7) eta Gipuzkoan (%3,5). Hil arteko hazkunde-tasak ere positiboak izan dira hiru lurraldeetan: Araban %3,2 2011ko urtarrilaren aldean; Bizkaian %5,1 eta Gipuzkoan %2,7.

Euskal AEko Industri Produkzioaren Indizea  Hazkunde-tasak. 2011 otsaila (p)

Irakurri gehiago: EUSKAL AEKO INDUSTRI PRODUKZIOAREN INDIZEA (IPI) 2011ko otsaila. Euskal AEko industri jarduera %6,7 hazi zen 2011ko otsailean
Eustat
Under Creative Commons License: Attribution

Oraindik ez dago iruzkinik
Iruzkinak itxita daude dokumentu honetan