Eu

Eusko Jaurlaritzak bost beka deitu ditu, IVAP-ek hirigintzaren inguruan duen prestakuntza-ikastaroko ikasleentzat (Gobernu Bilera 2019-06-04)

2019.eko ekainak 04

Baliabide ekonomiko murriztuak dituzten ikasleentzako hiru beka dira eta ikasle bikainentzako beste bi

Guztira, 13.900 euro banatuko dira beketan. Eskabideak aurkezteko epea ekainaren 14an hasten da eta hilabetekoa izango da 

Gobernu Kontseiluak, gaur, bost matrikularen gastuak ordaintzeko bost bekaren deialdia onetsi du, “Hirigintza eta Lurralde Ikasketak XLV. Ikastaroa (2019-2020)” egiteko. EVETU - Lurralde eta Hiri Antolaketarako Euskal Eskolak antolatzen du; eskola Herri Arduralaritzaren Euskal Erakundearen (IVAP) mendekoa da. Deialdiaren helburua da lurraldearen antolamenduarekin eta hirigintzarekin zerikusia duten arloetan diharduten pertsonen prestakuntzari eta birziklapenari bide ematea.

Aurreko edizioetako esperientziak bi errealitate erakusten ditu. Alde batetik, ikasle izan daitezkeenei laguntza ekonomikoa emateko eta bideratzeko beharra, ikastaroa egin ahal izateko. Bestetik, goi-errendimenduko ikasleen eta bikaintasun akademikoko ikasleen arteko sustapena, beren prestakuntza hirigintzara bideratzeko. Horrela bada, bi matrikula-beka mota ezartzen dira:

  1. Baliabide ekonomiko murriztuak dituzten ikasleentzako hiru beka
  2. Historial akademiko bikaina duten ikasleentzako bi matrikula-beka

Guztira, IVAPek 13.900 euro bideratuko ditu beketara, alegia, 2.780 euro bost matrikula-beka horietako bakoitzerako. EVETU - Lurralde eta Hiri Antolaketarako Euskal Eskolak kudeatuko du haren esleipena eta segimendua.

Bekak hilabeteko epean eskatu ahalko dira, ekainaren 13an Euskal Herriko Agintaritzaren Aldizkarian argitaratzen direnetik. Izapide guztiak tramitazio elektronikoaren bidez egin beharko dira. Eskabideak “Sariak eta laguntzak” atalean egingo dira, IVAPen egoitza elektronikoan www.ivap.euskadi.eus. Deialdia IVAPen “2019ko Dirulaguntzen Plan Estrategikoan sartzen da.

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau
Komunikabideek behera kargatzeko