Berriak Osasuna
Eu

Txileko ordezkaritza batek Euskadi bisitatuko du, osasun eremuko lehen mailako arretarako sistema ezagutzeko

2019.eko ekainak 03

Gaurtik eta datorren larunbatera arte, Hego Amerikako herrialdeko toki-gobernuetako ordezkariek Euskadi bisitatuko dute, euskal osasun-sistema aurrez aurre ezagutzeko

 

Euskadiko Osasun Sailak, egunotan, Asociación Chilena de Municipalidades elkarteko ordezkaritzen bisita jasoko du, euskal osasun-zerbitzuak nola funtzionatzen duen eta, zehazki, Osakidetzaren lehen arretarako eredua azaltzeko.

Erakundeak Hego Amerikako ia udalerri guztiak jaso ditu, eta udal-kudeaketa hobetzeko lan egiten du eta, horretarako, zenbait gairi heltzen die, hezkuntzari, etxebizitzari edo osasunari, besteak beste. Horrela, bada, bisita egingo dute Euskadira bertako arduradunek, euskal osasun-zerbitzu publikoa erreferentea baita. Txile lehentasunezko herrialdetzat identifikatu da Eusko Jaurlaritzaren Euskadi Basque Country Nazioartekotze Estrategian.

Nekane Murga Osasun sailburuak bisitariei Euskadin Osasun Sailak dituen jarduketa-ildo nagusien berri emango die, 2013-2020rako Osasun Planean jaso direnak. Bera izango da anfitrioi nagusia eta, gaurtik datorren larunbatera arte, Txileko ordezkaritzako kideek Euskadiko Lehen Arretarako Estrategia ezagutuko dute; izan ere, horrek funtsezko eginkizuna du euskal osasun-sisteman, eta Euskadin bizi diren pertsona guztiei kalitateko osasun-asistentzia ematen die.

Txileko ordezkaritzak interesa erakutsi du Euskadiko Lehen Mailako Arretaren gainean, erabiltzaileen aldetik balorazio altua duelako, batetik, eta euskal herritarren osasun-adierazle onengatik, bestetik. Horietan, “lehen mailako arretak zerikusia du, zalantzarik gabe”, esan du Osasun sailburuak. Bere eginkizunen artean, honako hauek nabarmendu behar dira: herritarrei osasuna sustatzeko zerbitzuak ematea, gaixotasuna prebenitzea eta minbizia sasoiz diagnostikatzeko programetan parte hartzea (lehentasunezko ibilbideak eta bularreko, kolon eta ondesteko eta umetoki-lepoko baheketak). Bertako profesionalak erreferentziazkoak dira pazienteentzat, eta beren premietarako erantzunak dituzte. “Denboran luzatzen den alta ondoko asistentziaren egitekoa dela eta, lehen mailako arreta funtsezko maila da edozein osasun-sistematan”, esan du Nekane Murga sailburuak.

Euskadik, Europako inguruneko gainerako herrialdeek bezala, asistentzia-beharretan dauden aldaketak ditu aurrez aurre, bai eta osasun-arloko profesionalen belaunaldi-erreleboa ere. Hori horrela, Nekane Murga sailburuak honako hau nabarmendu du: “Osasun Sailak eta Osakidetzak Euskadiko Lehen Mailako Arretarako Estrategia dute, eta horrek 7 ildo estrategiko eta 35 ekintza zehatz jaso ditu; ekintza horietatik, 15, dagoeneko, abian dira. Helburua arreta-eredua sendotzea eta profesionalei laguntzea da”.

Txileko ordezkaritzaren aste honetan zehar izango da, hiru lurralde historikoetatik.

 

Vitoria-Gasteiz, 2019ko ekainaren 3a

 

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau