Beatriz Artolazabal´ek Manuel Lezertua Arartekoarekin Euskadin bizi-luzetasunak izan duen igoera eta adinekoen ahalduntzea aztertu ditu

Beatriz Artolazabal Eusko Jaurlaritzako Enpleguko eta Gizarte Politiketako sailburuak, gaur goizean, Manuel Lezertua Arartekoarekin, Euskadin bizi-luzetasunak izan duen igoera eta adinekoen ahalduntzea aztertu ditu. Artolazabalek esan du “Euskadik eta Europa osoak biztanleen zahartzeari dagokionez egoera berria” bizi dutela. Sasoiz esku hartu behar da eta, horretarako, etorkizuneko egoerak aurreikusi; hori dela eta, gure adinekoen bizi-baldintzak hobetzeko, beren ahalduntzerako, arretarako, erakundeen arteko proiektuetarako eta zahartze aktiborako lan egiten dugu”. Topaketan, halaber, Lide Amilibia Gizarte Politiketako sailburuordeak eta Faustino López de Foronda Arartekoaren kabineteko buruak ere parte hartu dute.