Berriak Lehendakaritza
Eu

IRMk (Independent Repport Mechanism) OGPko kide diren estatu eta tokiko gobernu desberdinen ekintza-planak ebaluatzeko metodologiak eta prozedurak aurkeztu ditu

2019.eko otsailak 15

IRMko arduradun Gustavo Pérez Arak (Senior Research Officer, Open Government Partnership, OGP) Euskadiko Artxibo Historikoan (Bilbo) egin den jardunaldi batean aurkeztu du zer metodologia, prozedura eta dinamika garatzen ari diren IRMn, OGPko kide diren estatu eta tokiko gobernu desberdinen ekintza-planak ebaluatzeko.

Dibulgazio-prestakuntza jardunaldia OGP Euskadiko erakundeek antolatu dute, eta bertan izan dira Foro Erregularreko, Foro Irekiko eta OGP Euskadi Ekintza Plana garatzen diharduten konpromiso-taldeetako kideak, eta hizlariak informazioa eman die prozesuen ebaluazioari eta metodologiari buruz, baita bere ibilbide zabalean zehar bereganatu dituen ezagutza praktikoei buruz ere.

Gobernu Irekirako Aliantza (Open Government Partnership – OGP)  gobernu nazional eta subnazionalen konpromiso zehatzak bermatzen dituen erreferentziako nazioarteko erakunde bat da. Bere helburua gobernu “irekiagoak, arduratsuagoak eta herritarrekiko sentikorragoak” sustatzeko tresnak garatzea eta ebaluatzea da. Sektore anitzeko lankidetza-espirituarekin bat eginez, gizarte zibileko gobernu eta erakundeetako ordezkariek osatzen duten Zuzendaritza Batzordeak ikuskatzen du.

Independent Repport Mechanism (IRM) bitartez alderdi interesatu guztiek OGPen parte hartzen duten herrialdeen aurrerapenaren jarraipena egin dezakete. IRM-ek aurrerapen independenteak egiten ditu urtero OGPren kide diren herrialde bakoitzerako. Aurrerabide-txostenek Gobernuen OGPko ekintza-planen garapenaren eta ezartzearen betetze-maila neurtzen dute, gobernu irekiaren printzipioak betetzeko aurrerapenak aztertu eta hobetzeko gomendio teknikoak egiten dituzte. Txosten horiek elkarrizketa bultzatu nahi dute, eta gobernuen eta herritarren arteko erantzukizuna sustatu.

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau
Ekitaldiko kargudunak