Berriak Enplegua eta Gizarte Politikak

Ernesto Sáinz Lancharesek Madrilen Euskadik erronka demografikoari aurre egiteko dituen neurriak azaldu ditu

2019-02-08
  • Pizgarriak jaiotzetarako, kontziliazioa, gurasotasun-baimenak, soldata-arraila eta zahartze aktiboa izan dira Familia Politikako eta Aniztasuneko zuzendariak ministro-bileran aztertutako gai batzuk

 

Madril, 19/02/08

Ernesto Sáinz Lanchares Eusko Jaurlaritzako Enpleguko eta Gizarte Politiketako Saileko Familia Politikako eta Aniztasuneko zuzendariak, gaur, Madrilen, Erronka Demogragikoari erantzuteko Estrategiaren Erakunde Taldearen bileran parte hartu du; bertan, “gizarte zahartuak dakartzan erronkak, jaiotza-tasa baxuak eta landa-eremu batzuetako despopulatze altua” aztertu dira, bai eta “horiek gainditzeko etorkizuneko erronkak” ere.

 

Erronka Demografikorako gobernu zentraleko eskudunak autonomia-erkidegoei txosten bat aurkeztu die eta, horren arabera, “emakumeek eta gizonek Estatuari jaiotza-tasarako eskatzen ditoten pizgarri nagusia amatasun- eta aitatasun-baimenaren iraupena luzatzea da, eta adingabeak kargura dituzten aita eta amentzako lan-ordutegia malgutzea”. Sáinz Lancharesen iritziz, neurri horietan ari da, zehazki, Eusko Jaurlaritza lanean”.

 

Ernesto Sáinz Lancharesek, gainerako erkidegoen aurrean, Eusko Jaurlaritza lantzen ari den zenbait proiektu azaldu ditu: “zehazki, Familiei Laguntza emateko Erakundeen arteko IV. Planaren barruan, Familia eta Lan Bizitza Kontziliatzeko Laguntzen 177/2010 Dekretua aldatzeko proiektua, haurdun ez dagoenaren baimena amatasun-baimenarekin parekatzeko, horiek parekatu ahal izateko eszedentziaren bidez, oinarri arautzailearen % 100eko hobariarekin. Dagoeneko badago lehen lan-zirriborroa”.

 

Eusko Jaurlaritzako Familia Politikako eta Aniztasuneko zuzendariak honako hau ere nabarmendu du: “ahal den neurrian, adingabeak kargura dituzten aitek eta amek eskatzen duten ordutegi-malgutasun hori lortu nahi duten enpresetan kontziliazio-neurriak ezartzeko proiektu pilotua; 30 enpresa, lurralde bakoitzeko 10 batzen dituen proiektu pilotua”.

 

Era berean, Eusko Jaurlaritzaren beste lan batzuk ere aipatu ditu, esaterako: Herritarren, kulturartekotasunaren eta immigrazioaren eremuan jarduteko V. Plana; Soldata-arrailaren aurka borrokatzeko Plana; edo zahartze aktiboaren aldeko lana Euskadi Lagunkoia programaren bidez. “Lan horiek guztiak beharrezkoak dira, berdintasunaren eta gazteriaren aldeko politika publikoekin batera, erronka demografikoaren aurka borrokatzeko”.

 

 

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak
(XI legealdia 2016 - 2020)