Cristina Uriarte sailburuak guraso elkarteen federazioetako ordezkariekin izandako bileraren balorazioa egin du

Cristina Uriarte Hezkuntza sailburuak gaur arratsaldez gizarte ekimeneko itunpeko ikastetxeetako ikasleen guraso elkarteen federazioetako ordezkariekin izan duen bilararen balorazioa egin du.

Eusko Jaurlaritzak gurasoen kezka berbera daukala nabarmendu du sailburuak.Honela, egoera honi konponbide bat emateko beharra aipatu du sailburuak.“Ezin dugu onartu gure ikasleak ikasturtea galdu ahal izatea eta familia guztien baitan pairatzen ari diren egoera hau gertatzea”, gaineratu du."Onartezina den egoera bat da, konponbide bat bilatu beharra dago, arazo honek eragin zuzena baitauka ikasletan, bai eta hezkuntza-sistemaren hobetzean ere".

Sailburuak, halaber, zortzi eguneko greba egiteko deialdia erabat neurrigabea dela azpimarratu du; Uriarteren ustez, ezin baita onartu milaka familiak beren seme-alabengatik sufritu ahal izatea eta datozen egun hauei aurre egiteko arazo larriak izatea.“Patronalek zein sindikatuek negoziatzen jarraitu behar dute, ezinbestean, eskolek bat ez etortze honen ondorioak paira ez ditzaten”, adierazi du. Zentzu honetan, sailburuak hausnarketa egiteko deia egin die sindikatuei.