Eu

Eusko Jaurlaritzak Euskadiko txakolinaren hiru jatorri deituren sustapena babesten du (Gobernu Bilera 2018-12-18)

2018.eko abenduak 18

Eusko Jaurlaritzaren Kontseiluak hiru agindu onartu ditu Getariako Txakolina-Txakoli de Getaria, Arabako Txakolina-Txakoli de Álava eta Bizkaiko Txakolina-Txakoli de Bizkaia izeneko hiru jatorri deiturak 25.000na eurorekin diruz laguntzeko, beren ardoen sustapenerako eta hedapenerako jarduerak egin ditzaten.

Tokiko produktuak sustatzeko –tartean txakolina– eta sustapen lan hori egin dezaketen agenteak –Kontseilu Arautzaileak, esaterako, beraiei atxikitako upategiek egindako ardoen benetakotasuna babesteaz eta zaintzeaz eta ardo berezi hori ezagutarazteaz, balioesteaz eta babesteaz ere arduratzen diren  erakundeak baitira– sustatzeko Ekonomiaren Garapeneko eta Azpiegituretako Sailak duen politika erabakigarriaren barruan sartzen dira laguntza hauek.

Laguntza hauekin finantzatuko dira txakolina sustatzeko eta iragartzeko Jatorri Deiturei lotuta egingo diren hainbat jarduera, hala nola Txakolin Egunetan parte hartzekoak; komunikabideetan, autobusetan eta online bidez egiten diren  publizitate kanpainak; hainbat lehiaketa, jaialdi eta ekitalditan parte hartzekoak; dastaketak, erakusketak, etab.

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau
Komunikabideek behera kargatzeko