Eu

Beatriz Artolazabal: “Emakumeek enpleguaren arloan edo lanbide-bizitzan izaten dituzten erronkak gainditzeko, gaizki ulertutako handicapak eta ohiturak desagertu egin behar dira”

2018.eko urriak 18
  • “Berdintasuna ez da emakumeen gaia bakarrik edo gizarte-justiziaren edo eskubideen gaia bakarrik”
  • El reto femenino ante el empleo” hitzaldia, Mujeres Empresarias Siglo XXI elkartean

Bilbo, 2018 10 18

Beatriz Artolazabal Eusko Jaurlaritzako Enpleguko eta Gizarte Politiketako sailburuaren iritziz: “emakumeek enplegura edo beren lanbide-bizitzaren garapenera jotzeko izaten dituzten erronkak gainditzeko, gaizki ulertutako handicapak eta ohiturak desagertu egin behar dira; izan ere, berdintasuna ez da emakumeen gaia bakarrik edo gizarte-justiziaren edo eskubideen gaia bakarrik”.

 

Carmen Mirall presidente duen Mujeres Empresarias Siglo XXI elkarteak gonbidatuta, Artolazabal sailburuak “La Bilbaína”ko egoitzan “El reto femenino ante el empleo” hitzaldia eman du, Marcos Murok eta Amaia Arteagak lagunduta.

 

“Aukera- eta baldintza-berdintasun hori beharrezkoa da, eta oinarria da, gizartea hobea eta oparoagoa izateko, eta gizarte osora zabaldu behar da. Guztiok bagaude, emakumeak eta gizonak, gure gizarteko talentu guztia aprobetxatzen da”, esan du Artolazabalek.

 

Artolazabalen hitzen arabera, “berdintasunean aurrera egiteko, soldata-arraila murrizten, desberdintasuna zuzentzen eta enpleguaren sarbidean eta baldintzetan eta lan-munduaren sustapenean hobekuntza sustatzen lagunduko duten ekimenak jarri behar ditugu abian”. 

 

“Herrialdeko helburu dugu, legegintzaldi honetarako, Euskadik 4. postua eskuratzea genero-berdintasunaren arloan Europako rankingean.  Une hauetan, 5. postuan gaude, Suediaren, Finlandiaren, Danimarkaren eta Herbehereen ondoren. Eusko Jaurlaritzaren programaren barruan, bi konpromiso ditugu zuzenean berdintasunarekin lotuta: soldata-bazterketarekin amaitzea eta lan-eremuan gizon eta emakumeen arteko berdintasun eraginkorra sustatzea”, esan du Artolazabalek, Bilboko Nafarroa kaleko sozietatean.

 

“Enpleguko eta Gizarte Politiketako Sailean helburu handi bat dugu, industrian emakumeen presentzia areagotzea. Horretarako, ordainsarien arloan berdintasuna lortzeko eta soldata-bazterketari aurre egiteko neurri ekonomiko eta sozialak sustatu behar dira. Hori enpresetatik egiten da eta, batik bat, gizartetik bertatik”, esan du sailburuak.

 

Hezkuntza

Artolazabalen hitzen arabera, “enpleguan emakumezkoen erronkak gainditzeko ahalegin horiek guztiak hutsalak izango dira, baldin eta Euskadiko eta Europako gizarteek aurrera egiten ez badute eta genero-oztopoak kentzeko eta berdintasunean hezteko urrats gehiago ematen ez baditu. Kontziliazio erantzunkideko politiketan eragin behar da; izan ere, eraginkorra izan nahi duen edozein gizarte- eta enplegu-politikak emakume eta gizonen artean aukera-berdintasuna hobetzeko baldintzak sortu behar ditu”.

 

Beatriz Artolazabalen iritziz, “erabat garrantzitsua da enpresetan kontziliazio-neurriak ezartzea.  Euskadik 63,5 milioi € inbertitzen ditu kontziliazioan eta seme-alabak dituzten familientzako laguntzetan; Estatuan gehien inbertitzen duen erkidegoa da. Horrek bide ematen du emakumezkoek enplegura eta beren lanbide-garapenera jotzeko”.

 

“Zorionez, urratsak ematen ari gara, nahiz eta, oraindik, bide luzea dugun egiteko. Lan-merkatura baldintza-berdintasunean jotzea oraindik zaila da. Hasiera batean guztiok ditugu eskubide eta betebehar berak, baina beti ez da hala gertatzen. Gaur egun, Lanbideren datuen arabera, langabeen % 57,6 emakumea da. Krisialdiaren hasieran, 2009. urtean, gizonezkoen langabezia okerragoa izan zenez, sexuaren araberako langabe-kopurua oso antzekoa izan zen. Gizonek gehiago nabari izan zuten krisialdiaren eragina, baina aurreko egoerara bueltatzeko gaitasun hobea izaten ari dira”, esan du Artolazabal sailburuak.

 

Kontziliazioa

Enpleguko eta Gizarte Politiketako sailburuaren hitzen arabera, “irailean, kontratatutako emakumeen % 50,8 emakumea izan da, baina kontratatutako emakumeen artean denbora partzialeko kontratuen tasa % 55ekoa izan da eta, gizonen artean, % 28koa.                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                                          “Kristalezko sabaia”z ari garenean, segregazio bertikala emakumeetan gertatzen da, zuzendaritza-postuetan eta erantzukizun gehieneko enpleguetan”.  Euskadin, enpresa handien % 8,8k emakumeen % 40ko ordezkaritza du bere administrazio-kontseiluetan.

 

Segregazio okupazionalak jarraitzen du Euskadin eta inguruneko ekonomietan egoten. Sektore batzuk nabarmen feminizatuta daude eta beste batzuetan gizonak nagusi dira. Industria-enpleguak jarraitzen du funtsean maskulinoa izaten, eta, zerbitzu askotan, protagonistak emakumeak dira. Pasa den astean, Nazioarteko Diru Funtsak txostena aurkeztu zuen; bertan, emakumeak, roboten, teknologizazioaren eta sistemen digitalizazioaren aurrerakuntza dela eta, gizonak baino mehatxatuago daudela jaso da", esan du Artolazabalek.

 

“Arriskua handiagoa da zenbat eta prestakuntza gutxiago izan eta zenbat eta nagusiagoak izan. Arriskuak, batik bat, kualifikazio gutxiko postuetan lan egiten duten emakumeengan du eragina: salmenta-gune, bulego edo zerbitzuetan. Ondoko konponbidea etengabeko prestakuntza eta ekoizpen-sistema berri horietara egokitzea da. Baina ez dugu katastrofikoak izan behar eta historikoki gertatu denaz penatu, eta aurrerapauso positiboak eman behar ditugu eta gizarte aurreratua, solidarioa eta kohesionatua eraiki eta, horretarako, erantzunkidetasun- eta kontziliazio-neurriak sustatu, gizarte-, lan- eta familia-eremuan”, esan du sailburuak.

 

Artolazabalen hitzen arabera, “enpleguan emakumezkoen erronkak gainditzeko ahalegin horiek guztiak hutsalak izango dira, baldin eta Euskadiko eta Europako gizarteek aurrera egiten ez badute eta genero-oztopoak kentzeko eta berdintasunean hezteko urrats gehiago ematen ez baditu. Unicefek uztailean zera esan zigun: “gaur Euskadin jaio den neska edo mutil batek Europako haur-ongizatearen batez besteko mailatik gorakoan hazi ahalko da": nik espero dut Euskadiko eta Europako neskato horiek mutikoen lanbide-, gizarte- eta bizi-garapenerako aukera berak izango dituztelako ziurtasunarekin haz daitezen".

 

“Gure familiak, gure emakumeak eta gizonak Euskadik Europan duen aurrerapen sozialaren eta solidarioaren eta garapen jasangarriaren oinarri dira.  Arrakasta izango dugu, gizarte-konpromisoa eta lan partekatua badago”, esan du Beatriz Artolazabalek.

 

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau
Komunikabideek behera kargatzeko
Ekitaldiko kargudunak
Beste gonbidatu batzuk
  • Carmen Miral