Berriak Osasuna
Eu

Euskal Osasun Sistemak ezagutzak trukatuko ditu ‘Isalud’ Argentinako Unibertsitatearekin

2018.eko urriak 01

Argentinako ospe handiko unibertsitate-zentroko arduradunek, gaurtik ostegunera arte, Euskadi bisitatuko dute, euskal osasun-sistema aurrez aurre ezagutzeko

 

Eusko Jaurlaritzako Osasun Sailak, egunotan, ISALUD Argentinako ospe handiko unibertsitate-zentroko arduradunen bisita jaso du, euskal osasun-sistemaren funtzionamendua erakusteko eta lehen mailako akademikoekin ezagutzak trukatzeko.

Unibertsitate-zentroak osasun, ingurumen eta gizarte-politiketako arloetako ikasleak prestatzen ditu, eta erreferentea da Argentinan; bertan, bikaintasun akademikoa eskuratu du. Besteak beste, lankidetzan dihardu atzerriko erakundeekin, giza baliabideetako prestakuntzarako, ikerketarako eta ezagutzaren aplikaziorako. Horrela, bada, bisita egingo dute Euskadira bertako arduradunek, euskal osasun-zerbitzu publikoa erreferentea baita.

Jon Darpón sailburua anfitrioi nagusia dela, ISALUD Unibertsitateko arduradunek, egunotan, Euskal Osasun Saileko ildo estrategikoak ezagutzeko aukera dute, bai eta Transplanteen Koordinazioan, Bizkaiko Osasun Mentaleko Sarean edo Osasun Kontseiluan egiten den lana ezagutzeko ere, non aurrez aurrekoa ez den arreta eskaintzen baita, urteko 365 egunetako 24 orduetan eta, egunean egunean, euskal gizarteak gero eta gehiago baliatzen duen zerbitzua baita.

Gainera, bisitan, Argentinako Unibertsitateko arduradunek Arabako Ospitale Psikiatrikoa, Mendekotasunen Orientazio eta Tratamendu Zentroa (MOTZ) eta Arabako Gazalbide-Txagorritxu ESI osasun-zentroa bisitatuko dituzte. Halaber, Osteba - Osasun Teknologien Ebaluazioko Zerbitzua, Gurutzetako Unibertsitate Ospitalea eta Biocruces Bizkaia Ikerketa Institutua ezagutuko dituzte, bai eta Bilboko CESAA, Urdulizko Ospitalea eta RM Osatek ere.

Osasun sailburuak gaur Gasteizen Argentinako unibertsitate-arduradunekin izan duen topaketan zera nabarmendu du: “atsegin handia eragiten dio euskal osasun-sistema publikoari interesa eragitea nazioarte-mailako hezkuntza-bikaintasuneko zentro batean, ISALUD Unibertsitatean, alegia; hainbat balio partekatzen ditugu, besteak beste, osasuneko zuzentasuna eta gizartearen osasun-beharrei eskura ditugun baliabide guztiekin eta profesional kualifikatuenekin erantzuteko borondatea”.

 

Vitoria-Gasteiz, 2018ko urriaren 1a

 

2 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • @osakidetzaEJGV
    2018.eko urriak 01

    Comentario de Twitter:
    Euskal Osasun Sistemak ezagutzak trukatuko ditu ‘Isalud’ Argentinako Unibertsitatearekin ➕ https://t.co/JfqJgVSVvy https://t.co/CrloY15OPE

  • @osakidetzaEJGV
    2018.eko urriak 01

    Comentario de Twitter:
    El Servicio Vasco de Salud intercambia conocimientos con la Universidad Argentina ‘Isalud’ ➕ https://t.co/xH92dAG8oq https://t.co/CrloY15OPE

Komunikabideek behera kargatzeko
Ekitaldiko kargudunak