Berriak Lehendakaritza
Eu

Bigarren hezkuntzako 500 ikaslek parte-hartuko dute Memoriaren Plaza Amorebieta-Etxanon erakusketan

2018.eko irailak 21

Erakusketa Herriko Plazan egongo da ikusgai irailaren 24tik 30era.

Andoni Agirrebeitia Amorebieta-Etxanoko alkateak eta Aintzane Ezenarro Memoriaren, Bizikidetzaren eta Giza Eskubideen Institutuaren, Gogoraren, zuzendariak Memoriaren Plaza erakusketaren ekimena aurkeztu dute.
Aurkezpenean, alkateak adierazi du “aukera paregabea da Euskadin gertatu denaren inguruko testigantzak batzeko eta memoria anitza sortzeko, horretan parte-hartu nahi dugu Amorebieta-Etxanotik ere”.
Aintzane Ezenarrok erakusketa bera aurkeztu du, 2016az geroztik memoriaren inguruan herritarrek parte hartzeko proiektua dela eta dagoeneko Euskal Autonomia Erkidegoko 18 herri nagusienetan egon dela gogoraraziz, hiriburuak barne. Helburua, Euskadin azken urteotan gertatutakoei buruzko lekukotzak biltzea eta azaltzea da, memoria plural eta partekatua eraikitzeko asmoz.
Erakusketa zabalik egongo da irailaren 24a eta 30 bitartean Herriko Plazan bertan eta irekiera ekitaldia, astelehenean izango da arratsaldeko 18:00etan, hurbildu nahi duten guztientzat. Egun horretan bertan, goizean goizetik, erakusketa-gunea bisitariak hartzen hasiko da; bigarren hezkuntzako 100 ikasle inguruk parte-hartuko dute DBH 4, batxilergoa eta lanbide heziketako ikasleentzako antolatzen diren hezkuntza tailerretan. Helburua da esperientzia esanguratsua eskaintzea Memoria eraikitzeko giltzarriak ezagut ditzaten lagungarri izatea eta gogoeta kritikoa egin dezaten erraztea. Astean zehar, astelehenetik ostiralera, hogei tailer inguru emango dira, eta guztira 500 ikasleren parte-hartzea espero da.
Memoriaren Plaza ekimena hasi zenetik -2016ko otsailean Bilbon egin zen lehenengoz- Memoriaren Plaza 18 herritan egin da, eta hauexek datuak: 34.300 lagunek hartu dute parte eta hauetatik 4.600 DBH4, Batxilergo eta Lanbide Heziketako ikasleak dira, beraientzat bereziki programatutako tailer didaktikoetan parte hartu dutenak.

HELBURUAK
• Memoria jendarteratzea eta partekatzea, erakusketa baten bitartez, eta guztion artean eraikitako gogoeta sustatzea.
• Herritarrei beren memoria-lekukotza uzteko espazio bat eskaintzea.
• Memoriak udalerrien eremuan lantzea, eta dinamikak sustatzea iraganari buruzko gogoeta kritikoak partekatzeko.
• Gogora Institutua ezagutaraztea eta herritarrengana hurbiltzea.

ERAKUSKETAGUNEA
Honako gune hauek izango ditu:
• Lekukotzak grabatzeko eremua: erakusketara bertaratutakoek beren memoria-lekukotza in situ grabatzeko aukera izango dute.
• Lekukotzen bideoak: Gerra Zibilaren nahiz 107/2012 Dekretuaren babespeko frankismoaren biktimen memorien lekukotzak entzun ahal izango dituzte, bai eta terrorismoaren biktimenak ere.
• Proiekzio eta debate eremua: zenbait dokumental proiektatuko dira eta mahai–ingurua ere bertan egingo da.
• Mezuen horma-irudia: bertaratzen direnek beren mezua horma-irudian idatzi ahalko dute

MEMORIA PLAZAREN AURREKARIAK
Gogora Institutua testigantzak batu eta ezagutarazten eta herritarren zuzeneko testimonio eta emozioak biltzen. Orain arte, erakusketa ibiltari hau Bilbon, Durangon, Tolosan, Gasteizen, Eibarren, Donostian, Zarautzen, Arrasaten, Getxon, Lasarte-Orian, Gernikan, Santurtzin, Portugaleten, Sestaon, Barakaldon, Irunen, Beasainen eta Galdakaon egon da.
Beste udalerrietako esperientziak eskuragarri daude hurrengo estekan: https://goo.gl/lEJ8Xv

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau
Komunikabideek behera kargatzeko
Ekitaldiko kargudunak
Beste gonbidatu batzuk
  • Andoni Agirrebeitia alcalde de Amorebieta-Etxano