Berriak Lehendakaritza
Eu

Gobernu Kontseilua: urte politiko berriko lehena Miramar Jauregian

2018.eko abuztuak 28

Ohitura duen bezala, Eusko Jaurlaritzak, gaur, ikasturte politiko berriko bere lehen Gobernu Kontseilua Donostiako Miramar Jauregian egin du. Donostiako alkate Eneko Goiak, Gipuzkoako diputatu nagusi Markel Olanok eta Gipuzkoako Batzar Nagusietako presidente Eider Mendozak harrera egin diete Iñigo Urkullu lehendakariari eta sailburuei.  

Eusko Jaurlaritzak bere bilera amaitu ondoren, Iñigo Urkullu lehendakaria hedabideen aurrean agertu da bilera horretan aztertu diren gaien berri emateko.

Lehen Gobernu Kontseilu horretan, euskal ekonomiaren eboluzioak positiboa izaten jarraitzen duela azpimarratu du Lehendakariak. Zentzu honetan, Lehendakariak azaldu du hazkunde aurreikuspena %2,8koa dela eta helburua, urtea amaitu aurretik, 17.800 enplegu sortzea dela. Horren inguruan esan du hazkundea sendotzea ezinbestekoa dela baliabideak bermatzeko eta politika publikoak mantentzeko, biztanleria gero eta zaharragoa den gizarte batean eta Europa osoan sortzen ari diren premia berriei erantzuteko.

Autogobernuaren esparruan, Lehendakariak honako hau nabarmendu du: "gure helburua erakunde-mailan bidea egingo duen eta Euskadiren Autogobernuaren ahalmen politikoa indartzea eragingo duen Estatus Berri bat lortzea da”. Horrela, esparru juridiko politiko adostu berri bat aipatu du, Euskal Kontzertu Ekonomikoan eta Autogobernuaren berezitasunaren aitorpenean oinarritua egongo dena. Gainera, Espainiako Gobernuarekin harreman-bide berria zabaldu dela eta
aldebiko lantalde bat osatu dutela azpimarratu du Lehendakariak. Horrela, Gernikako Estatutuan gauzatzeko dauden transferentziak betetzeko lan-egutegi zehatz bat edukitzeak duen garrantzia azpimarratu du.

Gaurko bileran migrazioaren gaia ere aztertu da. Lehendakariak esan duenez, laguntza jasotzeko premiarekin heltzen diren pertsonak hartzeko ekintza humanitarioarekiko erantzukizuna eta konpromisoa bere gain hartzen ditu Eusko Jaurlaritzak. Zentzu horretan, Iñigo Urkullu lehendakariak “Konpromisoa eskatzen eta eskaintzen dugu” adierazpenak indarrean jarraitzen duela errepikatu du.

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau
Komunikabideek behera kargatzeko
Ekitaldiko kargudunak