Berriak Kultura eta Hizkuntza Politika

Eusko Jaurlaritzak eta Euskararen Erakunde Publikoak apirilean sinatu zuten akordioaren ondorioz izango diren diru-laguntzak ezagutzera eman dituzte

2018-07-13

Eusko Jaurlaritzak eta Euskararen Erakunde Publikoak aditzera eman dituzte apirilaren 28an sinatu zuten akordioaren ondorioz aurten izango diren diru-laguntzak. Guztira, 1.930.000 euro bideratuko dira euskara sustatzera, bi erakundeek egindako ekarpenari esker: Euskararen Erakunde Publikoaren kasuan 1.530.000 eta Eusko Jaurlaritza 400.000 euro.

Lankidetzarako fondo hori bi multzotan banatzen da:

• 1.550.000 euroko diru multzoaren bidez diru-laguntza zuzenak bideratuko dira Iparraldeko zortzi eragilerentzat, haien lan-lerroak bat baitatoz Euskararen Erakunde Publikoaren eta Eusko Jaurlaritzaren arteko akordioaren lan-ildoekin.

• 380.000 euroko multzoa Ipar Euskal Herriko beste hainbat eragile pribaturi zuzenduko zaio diru-laguntza deialdi baten bidez.

Apirilean sinaturiko akordioaren inguruko informazio guztia, esteka honetan.

Aurtengo ebazpenaren xehetasunak, hemen.

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak
(XI legealdia 2016 - 2020)