Eu

Eusko Labelek kalitateko sasoiko produktuak eskainiko ditu 2018ko Ibilaldian Santurtzin

2018.eko maiatzak 25
  • Aurten, nobedade gisa, baserriko ogi txigortua eta parrillan egindako sasoiko barazkiak eskainiko dira, Eusko Labeleko Oliba Olio Birjina Estrarekin eta Añanako Gatzarekin onduta. Produktu horien ondoan egongo dira Eusko Label haragiarekin egindako ohiko burguer meatak eta Euskal Baserriko Oilasko pintxoak.

  • Gainera, iazko esperientzia errepikatuz, ibilbide osoan banatuta egongo diren salmenta guneetan eskainiko den zerri haragi guztia Eusko Labelekoa izango da (edo horrekin egina).

  • Datorren igandean ospatuko den Ibilaldian produktu horiek izango duten presentzia HAZI Fundazioaren eta Ikastolen Elkartearen artean sinatutako hitzarmenaren baitan kokatzen da, federazioak antolatzen dituen jaietan Euskadiko kalitateko elikagaiak eta edariak bultzatzeko.

HAZI Fundazioak eta Ikastolen Federazioak bat egin dute, berriro, 2018 honetan ospatuko diren ikastolen bost jaietan Euskadiko kalitateko produktuak sustatzeko (Ibilaldia, Araba Euskaraz, Kilometroak, Herri Urrats eta Nafarroa Oinez).

Lankidetza asteburu honetan hasiko da, Ibilaldiaren ospakizunarekin, igandean, hilak 27, Santurtzin. Bihotz Gaztea ikastola arduratu da jaia antolatzeaz, eta bertan hainbat ekintza egin ahal izango dira eta zenbait kontzerturekin disfrutatu. Hori guztia Euskadiko kalitateko elikagaiak eta edariak dastatuz, zeinak Eusko Labelek prestatutako txokoan erosi ahal izango diren.

Nobedade moduan, horrelako ekitaldietan eskaini ohi diren produktuez gain, aurten baserriko ogi txigortua eta parrillan egindako sasoiko barazkiak egongo dira –kuiatxoa, tomatea eta Gernikako piperrak–, Oliba Olio Birjina Estra eta Añanako Gatzarekin onduak. Produktu horiekin batera egongo dira baita ere Eusko Label haragiaren egindako burguer meatak eta Euskadiko Baserriko Oilasko pintxoak.

Guztira, aurten ospatuko diren bost jaietan, Euskadiko kalitateko produktuen presentzia zifra hauen bitartez islatu daiteke:

  • Zerri haragi guztia Eusko Label duen Baserritxerria markako produktua izango da. 300 kilo solomo, 650 kilo hirugihar, 350 kilo txistor eta 500 kilo txorizo.
  • Jaietako ibilbideetan kokatuko diren Eusko Label txokoetan 4.000 pintxo baino gehiago dastatu ahal izango dira baserriko oilaskorenak, eta Euskal Okelako 3.650 burguer meat.
  • Edariei dagokienez, sagardo guztia Euskal Sagardoa izango da, ardoa Arabako Errioxakoa, eta txakolina jaiak ospatzen diren lurralde bakoitzekoa.

NIREA proiektuarekin lerratutako hitzarmena

Ikastolen jaietan bertako produktua sustatzeko Hazi Fundazioak eta Ikastolen Elkarteak izenpetu duten hitzarmena bat dator NIREA mugimenduarekin; horren bitartez, enpresa publikoek zein pribatuek lagundu egiten dute Euskadin lehen sektorea eta landa eta itsas ingurunea biziberritzeko.

Berez, ikastolen federazioa egitasmo horri atxikita dago, “Ikastolak: bertakoa bertan” proiektuarekin. Horren bidez, familiak sentsibilizatzea nahi da Euskadin lehen sektore bizi eta lehiakorra mantentzea lortzeko, eta landa ingurunean ematen dizkigun onurak agerian jartzeko.

3 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • @euskolabel
    2018.eko maiatzak 28

    Comentario de Twitter:
    RT @Irekia: 🔵 @euskolabel'ek kalitateko sasoiko produktuak eskainiko ditu 2018ko @Ibilaldia'n Santurtzin ➡ https://t.co/7Hp7WhFCj8 https://

  • @bihotzgaztea
    2018.eko maiatzak 25

    Comentario de Twitter:
    RT @Irekia: 🔵 @euskolabel'ek kalitateko sasoiko produktuak eskainiko ditu 2018ko @Ibilaldia'n Santurtzin ➡ https://t.co/7Hp7WhFCj8 https://

  • @Ibilaldia
    2018.eko maiatzak 25

    Comentario de Twitter:
    RT @Irekia: 🔵 @euskolabel'ek kalitateko sasoiko produktuak eskainiko ditu 2018ko @Ibilaldia'n Santurtzin ➡ https://t.co/7Hp7WhFCj8 https://

Komunikabideek behera kargatzeko
Ekitaldiko kargudunak
  • Bittor Oroz Izagirre
    Nekazaritza, Arrantza eta Elikagaien Politikako sailburuordea (XI legealdia)
  • Asier Arrese Zabala
    Haziko zuzendaria, Eusko Jaurlaritzaren Fundazioa Landa, Isasertz eta Elikagaien sustapenerako (XI legealdia)