Lehendakariak enpresa parte-hartzaileagoa eta inklusiboagoa aldarrikatu du ASLEren Batzar Orokorrean

Iñigo Urkullu Lehendakaria, gaur goizean, ASLE-Euskadiko Lan Sozietateen Batzar Orokorraren amaiera ekitaldian izan da; Vitoria- Gasteizko Artium museoan izan da. Lehendakariak nabarmendu du enpresa-eredu berria sustatu behar dela, parte-hartzaileagoa eta inklusiboagoa dena, eta pertsona guztien inplikazioa ekarriko duen eta enpresa baterako proiektu gisa ulertuko duen eredua.

Urkulluk azaldu duenez, Euskadi aitzindaria izan zen enpresa-eredu parte-hartzaileagoan eta inklusiboagoan: “Mugimendu kooperatiboaren bultzadari esker, ASLEk ordezkatzen dituen lan-sozietateen ereduari esker, Euskadi, gaur, nazioartean eredu erreferente da, pertsona eta banako eta kolektiboaren erantzukizuna proiektuaren erdigunean jartzen baititu”, esan du.

Hori horrela, Lehendakariak esan du Euskadik bere erakundeetan aldaketaren buru izateko aukera duela; aldaketa hori interesen norgehiagokan oinarritzen diren hierarkia-formulak gainditzera bideratzen da; eredu berri hori pertsona guztien parte-hartzea eta enpresa eta erakundeen arteko lankidetza hobetzera bideratzen da.

“Norgehiagokaren kultura utzi eta lankidetzaren kulturari heldu behar diogu. Enpresen arteko, enpresa eta erakundeen arteko lankidetza, eta lankidetza eta inklusioa enpresaren beraren barruan”, esan du.

Era berean, Lehendakariak esan du Eusko Jaurlaritzak bere egiten duela konpromisoa eta eredu lehiakorra, soziala eta humanista sendotuko duen plana diseinatuko duela. “Erabakiak hartzean eta enpresetako akziodunetan pertsonen parte-hartzea sustatuko duen baterako plana”, esan du. “Azken batean, enpresa eta erakundeen arteko lankidetza publiko-pribatuan oinarritzen den eredua, herrialdeko proiektu estrategikoei heltzeko, lehiakortasunaren, berrikuntzaren eta nazioartekotzearen erronkei erantzuteko”, esan du Lehendakariak, amaitzeko.

Enplegu eta Justizia sailburu María Jesús San Josék eman dio asiera gaurko ASLEren Batzarrari. Hitzalidan, Eusko Jaurlaritza lantzen ari den hiru konpromiso azaldu ditu: langileen parte-hartzea sustatzea euren enpresatan, Enpresa Erantzukizun Soziala susatzea eta Ekonomia Sozialeko enpresak sustatzea.