Berriak Osasuna
qrcode

Euskadiko medikamentuen gaineko ikerkuntza Batzorde Etikoak (Ceim-e) ISO 9001:2015 ziurtagiria lortu du, kalitatea kudeatzeko duen sistemagatik

2018-05-03

Farmazia Zuzendaritzari atxikitako CEIm-E batzordeak ISO kalitate-ziurtagiria berritu du, AENORrek pasa den apirilean egindako auditoretzaren ondoren, ikerketaren eta ezagutzaren kudeaketaren gaineko azterlanean parte hartzen duen paziente edo boluntario osasuntsuari bideratutako politikan oinarritzen den kudeaketa-sistemagatik

 

CEIm-E, Euskadiko Ikerketa Biomedikoan parte hartzen duten pertsonen eskubideak, segurtasuna eta ongizatea babesteko erakunde independente gisa, 2011n bere kudeaketa-sistemaren ziurtagiria lortu zuen, ikerketa-azterlanean parte hartzen duen paziente edo boluntario osasuntsuari bideratutako kalitate-politikan oinarrituta. Orain, beste urrats bat gehiago eman du, eta, AENORrek 2018ko apirilean egindako auditoretzaren ondoren, ISO kalitate-ziurtagiria berritu du eta ISO 9001:2015 araura egokitu da.

ISO 9001:2015 arauaren bertsio berriak honako nobedade esanguratsu hauek ditu: arriskuetan oinarritutako pentsamendua, ezagutzaren kudeaketa, eta zuzendaritzaren konpromisoan eta lidergoan enfasi handiagoa. Egokitzapen hori bat dator Farmazia Zuzendaritzak Aurrerabiden duen parte-hartze aktiboarekin. Aurrerabide Berrikuntza Publikoaren Planaren ardatz bat da, honako helburu hau du: Eusko Jaurlaritzaren eta haren erakunde autonomoen barruan kudeaketa aurreratuko eredu bat oro har ezartzea eta pertsonen abilezia berriak garatzea, zerbitzu publikoak hobetzeko.

Oraindik ez dago iruzkinik
Iruzkinak itxita daude dokumentu honetan