Haurreskolak Partzuergoan izena emateko epea irekitzear da
- 2017 eta 2018an jaiotako haurrentzat
- Apirilaren 30etik maiatzaren 11ra izango da zabalik epea, Haurreskolak Partzuergoaren eskoletan
Datorren astelehenean, apirilak 30, irekiko du Haurreskolak Partzuergoak izena eman eta plaza eskatzeko epea. Beraz, 2017an eta 2018an jaiotako haurren guraso edo tutoreek apirilaren 30etik maiatzaren 11ra bitarteko tartea izango dute partzuergoko eskoletan plaza eskatzeko. Izena emateko epe hau partzuergoko zentroren batean lehen aldiz irailean, urrian edo azaroan sartuko diren haurrentzat irekitzen da.
Plaza bat eskatu nahi duten familiek honako egutegi hau hartu beharko dute aintzat:
- Apirilaren 30etik maiatzaren 11ra: eskariak entregatzea
- ekainaren 15ean: behin-behineko zerrendak argitaratzea
- ekainaren 18tik 29ra: behin-behineko zerrendei erreklamazioak aurkeztea
- uztailaren 12an: behin betiko zerrendak argitaratzea
- irailak 6: umeak haur-eskolara hasteko eguna
Maiatzean irekitzen duen epe honez gain, Haurreskolak Partzuergoak urtean zehar beste bi izen-emate aldi ere zabaltzen ditu: urrian bata (abenduan, urtarrilean edo otsailean lehen aldiz sartuko dien umeentzat), eta urtarrilean bestea (martxoan, apirilean, maiatzean edo ekainean lehen aldiz sartu nahi dutenentzat)
Haur-eskola berriak
Haurreskolak Partzuergoak 8.530 plaza eskainiko ditu 2018ko irailean, Euskadi guztiko 178 udalerritan kokaturik dauden 236 haur-eskolatan. Hurrengo ikasturtean zehar, gainera, Loiu, Trapagaran, Zierbena eta Gueñesen haur-eskola berriak irekitzea aurreikusten da. Eskaintzen diren 8.530 plaza horietatik, 6.000tik gora izango dira libre irailerako, egun zerbitzu hau erabiltzen ari diren 2.000 umek bertan jarraituko baitute irailetik aurrera ere. Une honetan, 6.000 ume inguru hartzen ditu 0-2 urte bitarteko hezkuntza eskaintzen duen Haurreskolak Partzuergoak.
Zeintzuk dira Haurreskolak Partzuergoaren bereizgarriak?
Hona partzuergoko haur-eskolen ezaugarriak:
- Segurtasunerako eta osasunerako ingurune-baldintza egokiak dituzten instalazio eta espazioak bermatzea.
- Hezitzaile adituak eta prestatuak, euren eginkizunak behar den profesionaltasunez egiteko gai direnak.
- Euskal Autonomia Erkidegoko hizkuntza ofizialetan komunikazioa lagundu.
- Familiekin lankidetzan jardutea, haurraren onerako beti.
- Espazioa, denbora eta baliabideak eskaintzea, haur-eskolen ekintzak eraginkortasunez garatzeko modukoak.
- Familia eta beraien haurrei antolaketa eta funtzionamendu-eremuak, haurren ezaugarri eta garapenaren erritmora egokitutako baliabide eta estrategia pedagogikoak ematea.
Haurreskolak Partzuergoan izenemateko prozedurari buruzko informazioa zehatzago nahi izanez gero, partzuergoaren webgunean daukazue eskura.
