2016-2017ko lan eskaintza publikoko 20 kategoriaren azterketa datei buruzko informazio oharra

96.000 pertsonak baino gehiagok eman dute izena LEP honetan; eskainitako plaza-kopuruari dagokionez egin den handienetarikoa da, 3.335 plaza, ia lanbide-kategoria eta espezialitate mediko guztietakoak.

Osakidetzaren 2016-2017rako Lan Eskaintza Publikoaren 20 kategoriari dagozkien azterketak egiteko datak maiatzaren 12a eta 13a dira, Vitoria-Gasteizko Elurreta eraikinerako, eta ekainaren 15a, 16a eta 17a Barakaldoko Bilbao Exhibition Centrerako (BEC).

LEPen azterketetan, galdera alternatiboen galdesorta erantzun beharko da, oinarri berezietan argitaratutako gai-zerrendari jarraikiz, eta azterketak, zehazki, kategorien arabera banatzen dira, honela:

Gainerako kategoriak maiatzaren 19an, 20an, 26an, 27an, 29an eta 30ean eta ekainaren 2an, 23an, 24an eta 30ean eta uztailaren 1ean egingo dira, Vitoria-Gasteizen ere bai, espazioen erabilgarritasuna eta kategoria bakoitzean izena eman duen pertsona-kopuruaren arabera.

2016-2017 LEPak SATSE, SME eta UGT sindikatuen babesa du. Pasa den otsailaren 16an epe ireki denetik, pasa den apirilaren 5era arte (epearen azken eguna), guztira, 96.235 pertsonak eman dute izena LEP honetan.Horietatik, gehienak emakumeak dira, zehazki, 72.296 (% 75), eta 23.939 gizonak. Hautagaien jatorria dela eta, % 19 inguru Euskaditik kanpokoak dira; guztira, 18.116 pertsona.

Kategorien arabera, eskabide-kopuru gehien izan duten 5 kategoriak honako hauek izan dira: zeladorea, 18.134 eskabide; erizaintza, 13.942; erizaintzako laguntzailea, 13.692; administrari-laguntzailea, 13.053; eta zerbitzuetako langilea, 8.392.

Era berean, mila eskabide baino gehiago izan dituzte honako kategoria hauek: laborategiko teknikaria, 2.268; fisioterapeuta, 1898; erradiodiagnostikoko teknikaria, 1.542; eta gizarte-langilea, 1.399.

Bestalde, familia-medikuak 1.500 eskabide izan ditu, pediatriako medikuak, 179, obstetriziako eta ginekologiako medikuak, 159, kirurgia ortopedikoko eta traumatologiako medikuak, 136, eta oftalmologiako medikuak, 103.

2016-2017ko LEP Osakidetzak sekula eginiko handiena da, eskainitako plaza-kopuruari dagokionez; 3.335 plaza eskaini ditu, eta ia lanbide-kategoria eta espezialitate mediko gehienak. Horren bidez, azken urteotan metatutako plaza hutsak beteko dira eta plantillaren % 95 egonkortuko da. Hala esan du Jon Darpón Osasun sailburuak.

Osasun sailburuaren hitzen arabera, LEP berria funtsezkoa da plantilla gazteagoa izateko, eta Osakidetzan kalitateko enpleguaren hobekuntza ekarriko du. Era berean esan du lege-oinarriak jarri direla une oro hautaketa-prozesu irekia eta gardena bermatzeko, non oposiziogile guztiek lan-eskaintza publikoaren garapena fase guztietan ezagutu ahalko baitute.

Vitoria-Gasteiz, 2018ko apirilaren 10a