Berriak Segurtasuna
Eu

Segurtasun Sailak alerta laranja aktibatu du EAE barnealdean biharko eta etziko

2018.eko martxoak 18

Segurtasun Sailak alerta laranja aktibatu du elurragatik EAE barnealdean, bihar, astelehena, martxoak 19, arratsaldeko 18:00etatik astearteko, hilaren 20ko, 12:00etara.

Euskalmet – Euskal Meteorologia Agentziaren arabera, iragarpenek adierazten dute aire-masa hotzak nabarmen jaits ditzakeela tenperaturak, eta elur-prezipitazioak izan ditzakegula nahiko behean bihartik, astelehenetik, ostegunera arte, martxoaren 22ra arte.

Aire-masa hotzak EAEn eragina izan dezakeela aurreikusten bada ere, ziurgabetasuna handia da bai tenperaturei dagokienez bai prezipitazio-kopuruari dagokionez, nahiz eta seguruenik prezipitaziorik ugarienak astelehen arratsaldetik astearte goizera arte espero diren.

Bihar, astelehena, hilaren 19an, elur-maila seguruenik 700-800 metroan kokatuko da egunaren lehenengo erdian, eta behera egingo du arratsalde eta gaualdean, eta egunaren amaierarako 200-300 metroan kokatuko da. Gainera, prezipitazio ugariak espero dira egunaren bigarren erdian, eta ekaitza sor daiteke eta txingorra ere egin dezake.

Euskalmeten ustez astearte goizean, hilaren 20an, elur-maila 200-300 metro inguruan kokatuko da, eta prezipitazioa sarri izango dugu. Arratsaldetik gauera bitartean, elur-maila 200-300 metro inguruan egongo da, eta ekaitz eta txingor arriskua mantenduko da.

Asteazkenerako aurreikusten da prezipitazioak tartekatzen joango direla, eta elur-maila 200-300 metro inguruan kokatuko da eta gora egingo du egunean zehar.

Tenperaturei dagokienez, neguko tenperaturekin jarraituko dugu, asteartean, hilaren 20an, eta asteazkenean, hilaren 21ean, eta tenperatura maximoak 5-10ºC-koak izango dira itsasertzean eta 5ºC-koak barnealdean. Tenperatura minimoak ere baxuak izango dira, 0ºC ingurukoak, EAEko leku askotan.

Oharra: Iragarpen eguneratuak jarraitzea gomendatzen da Euskalmet (http://www.euskalmet.euskadi.eus;) eta Twitter (@Euskalmet) bidez.

Larrialdiei Aurre Egiteko eta Meteorologiako Zuzendaritza

Aholkuak eta gomendioak.

Bidaiatu behar baduzu:

• Aldez aurretik eskatu errepideen egoerari buruzko informazioa Eusko Jaurlaritzako trafiko-zerbitzuaren  011 telefono-zenbakiaren eta Twitter (@trafikoaEJGV) bidez, eta egoera meteorologikoari buruzkoa Euskalmet (www.euskalmet.euskadi.eus) eta Twitter (@Euskalmet) bidez.

• Eguraldia oso txarra bada, hobe da ez bidaiatzea.

• Ahal izanez gero, garraio publikoa erabili.

• Edonola ere, jarraitu beti Eusko Jaurlaritzako Trafiko Zuzendaritzaren gomendioak Twitter eta Internet bidez.

Mendira joan behar baduzu:

• Alerta laranja aktibatuta badago, bertan behera utzi mendiko txangoak eta ibilaldiak.

Etxean

• Kontuz ibili berogailu-sistema osagarriekin, estufa edo sutontziekin, istripurik gerta ez dadin.

Elurretan ibilgailuan harrapatuta geratzen bazara:

• Ez atera autotik denboraleak barruan harrapatu bazaitu. Ez ahaztu telefono mugikorra, eta bateria ondo kargatuta eduki.

 • Motorra piztuta eta berogailua jarrita eduki, eta tarteka airea berritu.

 • Ez lo hartu. Tapakiren bat eskuratu, eta ondo jantzita egon.

Larrialdietarako deitu 112 zenbakira.

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau
Komunikabideek behera kargatzeko