Eu

Artolazabal: “gaixotasun arraroak jasaten dituzten pertsonen bizi-kalitatea hobetzea eta horiek ezagutzera ematea eta gizarte-aldaketaren eragiletzat hartzea lehentasunezko helburua da”

2018.eko martxoak 18
  • Gaixotasun Arraroei buruzko zazpigarren jardunaldi zientifikoa Euskadin: "Eraiki dezagun gaur biharko”
  • Feder-ek antolatzen du, Bilboko Azkuna Zentroan

 

 

Bilbo, 2018/03/18

Beatriz Artolazabal Eusko Jaurlaritzako Enpleguko eta Gizarte Politiketako sailburuak`uste du “gaixotasun arraroak jasaten dituzten pertsonen eta beren familiartekoen bizi-kalitatea hobetzea eta horiek ikusaraztea, gizarte-aldaketarako eragile aktibo bilakatzeko, lehentasunezko helburu dela”.

 

Juana María Sáenzekin, FEDEReko ordezkaria Euskadin, eta Lide Amilibia Gizarte Politiketako sailburuordearekin batera, Artolazabalek, gaur goizean, Bilbon parte hartu du, Euskadin Gaixotasun Arraroei buruzko Zazpigarren Jardunaldian: “Eraiki dezagun gaur biharko”.

 

“Gaur gaixotasun arraroen prebentziorako, diagnostikorako eta tratamendurako ikerketaren balioa nabarmentzen dugu, baina, orokorrean onartzen eta erabiltzen den terminoa bada ere, “gaixotasun arraroez” hitz egin beharrean nahiago dut prebalentzia oso baxua duten gaixotasunez hitz egitea, oso gutxitan izaten diren gaixotasunez”, esan du Artolazabal sailburuak.

 

Sailburuak esan duenez, “oso gutxitan izaten dela ulertzeko, gaixotasun berezi bakoitzak bakarrik izan dezake eragina biztanleria osoaren oso kopuru mugatuan; Europan 10.000 biztanleko 5 baino gutxiago da muga. Uste da 5.000 eta 7.000 horrelako gaixotasun dagoela munduan, baina iturri batzuek diote 7.500 direla. 3 milioi pertsonak baino gehiagok jasaten dituzte gaixotasun arraroak edo ultra arraroak estatuan, eta kalkulatzen da 130.000 inguruk Euskadin”.

 

Gaixotasun arraro esaten zaie, baina zifra absolutuak ikusita, askok jasaten dituzte. Gaixotasun horietako asko, % 80 inguru, genetikoak dira eta bizitzako lehen urteetan ageri ohi dira; beraz, umeak dira kaltetu nagusiak”, esan du Beatriz Artolazabalek.

 

Bere iritziz, “arazoa ez da mugatzen pertsona gaixoetara, beren  familiengan ere eragiten baitu.  Gizartean askotan izaten ez diren gaixotasunak eta horien eraginpean dauden pertsonak ikusaraztea eta beren gaineko kontzientzia positiboa izatea dira FEDERek dituen helburuetako batzuk. FEDERek lan eraginkorra egiten du, administrazio publikoen eta horrelako gaixotasunak dituzten pertsonen eta beren familien arteko solaskide gisa, horrelako gaixotasunak dituzten pertsona guztien eskubideak betetzeko".

 

“Ikuspuntu sozialetik, Federrek prebalentzia baxuko gaixotasunak dituzten pertsonek bizi ohi duten gizarte-isolamendurako joera apurtzeko eskaintzen duen informazio eta laguntza emozionaleko lana nabarmendu behar da. Lan horren bidez, ume eta nerabeak pertsona gaitu gisa hartzen dira, eta gainerakoen errespetu bera merezi dute”, esan du.

 

Artolazabalek nabarmendu du “Gobernuko bi arloren  baterako presentzia: Osasuna eta Gizarte Zerbitzuak, bai eta gizarte-zerbitzuetan eskumena duten administrazioko gainerako mailena ere, nabarmentzeko batera garatzen ari garela, koordinatuta eta egonkortasunez, esku-hartze soziosanitarioa, hala behar duten pertsona eta kolektiboentzako arreta hobetzeko. Jomuga diren eta 2017-2020 aldirako ildo estrategiko soziosanitarioen eraginpean dauden kolektibo horien artean, gaixotasun arraroen kolektiboak leku berezia eta nabarmena izango du”.

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau
Ekitaldiko kargudunak
Beste gonbidatu batzuk
  • Juana Mari Sáenz, Iñigo Pombo