Eu

TMEren Betearazpen Batzordea Euskadin egiteko hitzarmena (Gobernu Bilera 2018-03-13)

2018.eko martxoak 13

Alfredo Retortillo Turismo, Merkataritza eta Kontsumoko sailburuak eta Álvaro Nadal Energia, Turismo eta Agenda Digitaleko ministroak lankidetza-protokoloa sinatu dute, Turismoko Mundu Erakundearen Betearazpen Batzordearen 108. bilera Donostia-San Sebastianen egiteko. Turismoaren eremuan indartsuenak diren herrialdeetako 300 mandatari eta ordezkari inguru batuko dira, 3 egunez, Gipuzkoako hiriburuan. 

Turismoaren Mundu Erakundea (TME) 1974an sortu zen; Nazio Batuen erakundea da, turismo arduratsua, jasangarria eta guztiontzako eskuragarria sustatzeko arduraduna. 3 gobernu-organo ditu: Batzar Orokorra, 158 herrialderekin; Betearazpen Batzordea, 35 herrialderekin; eta Idazkaritza Nagusia. 

Espainia da TMEren etengabeko egoitza, eta, hori dela eta, Batzordean aulkia etengabe izateaz gainera, Betearazpen Batzordearen bileren egoitzak esleitzen esku hartzen du. Protokoloak 2 erakunderen arteko lankidetza ebazten du, Batzordearen bilera hori antolatzeko; Batzordea urtean 2 aldiz batzen da. Gainera, Zurab Pololikashvili georgiarraren, TMEko idazkari nagusi berriaren, lehen bilera izango da; 2018ko urtarrilaren 1ean hartu zuen kargua.

Betearazpen Batzordera 250 pertsona inguru joango dira, TMEko, Batzordeko kide diren herrialdeetako ordezkaritzetako eta kide afiliatuen ordezkaritzetako langile eta zuzendarien artean.

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau
Komunikabideek behera kargatzeko