Berriak Enplegua eta Gizarte Politikak

10,22 milioi euro laneratzeko enpresetan enplegua sortzeko eta horri eusteko (Gobernu Bilera 2018-02-27)

2018-02-27

Beatriz Artolazabal Enpleguko eta Gizarte Politiketako sailburuak proposatuta, Euskal Enplegu Zerbitzuak onetsi egin du laneratzeko enpresetan enplegua sortzeko eta horri eusteko Lanbide-Euskal Enplegu Zerbitzuaren laguntzen deialdia; 10,22 milioi euroko zuzkidura du. 

Laneratzeko enpresak ondasun edo zerbitzuen ekoizpen-egiturak dira, eta horien helburua da gizarte-egoera desabantailatsuan edo bazterketa-egoeran dauden kolektiboak lan-merkatuak sartzea. 

Enpresa-mota horien laguntzak arautzen dituen Aginduak (2009ko maiatzaren 4ko Agindua) bi diru-laguntza ildo ditu: bat, laneratzeko enpresen sorrera bultzatzea, bideragarritasunari buruzko merkatu-azterlanak finantzatuz; eta, bestea, dagoeneko sortu diren enpresei eusteko laguntza ematea, eta, horretarako, aktibo finkoetako, merkatuko azterlanetarako eta kontu-ikuskaritzetarako inbertsioen finantzaketarako laguntzak ematea eta zuzenago lanpostua sortzeko eta hari eusteko laguntzak ematea.

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak
(XI legealdia 2016 - 2020)