Eu

Tapia sailburuak Portuen eta Itsas Garraioen Legea aurkeztu du Legebiltzarrean

2018.eko otsailak 15

Arantxa Tapia Ekonomiaren Garapeneko eta Azpiegituretako sailburuak Eusko Legebiltzarrean aurkeztu du Euskal Autonomia Erkidegoko portuen eta itsas-garraioaren Legea. Sailburua ziur dago Euskadik “aukera” duela orain “beharrezko” deritzon eta sektore horren jarduera arautzeko aukera emango duen legea edukitzeko.

Lege-proiektuaren helburuak honakoak dira: portuetan eta portuko zein itsas instalazioetan aplikagarria den lege-araubidea ezartzea; portuko jabari publikoaren kudeaketa arautzea; Euskal Autonomia Erkidegoko portu-administrazioaren egitura eta funtzionamendua zehaztea; portuko jabari publikoaren erabileraren eta portu-zerbitzuak ematearen ondoriozko araubide ekonomiko-finantzarioa arautzea; itsas garraioa ordenatzea, bidaiariena, salgaiena eta mistoa, EAEren eskumenekoa denean; eta portuko jabari publiko autonomikoko zehapen-araubidea finkatzea, hala nola ikuskaritza- eta kontrol-eskubideak.

Legearen aplikazio-eremua Euskal Autonomia Erkidegoaren titulartasuna duten portuak izango dira: Hondarribia, Donostia, Orio, Getaria, Zumaia, Deba, Mutriku, Ondarroa, Lekeitio, Ea, Elantxobe, Mundaka, Bermeo, Armintza eta Plentzia, eta ez da aplikagarria izango EAEko interes orokorreko portuetan, Bilboko eta Pasaiako portuetan adibidez.

 

 

Gai-zerrenda:

- 1. Euskal Autonomia Erkidegoko portuen eta itsas garraioarena lege-proiektuari aurkeztutako osoko zuzenketak. Eztabaida eta botazioa. (11\09\01\00\0001)

- 2. Honako ekimen hauek batera eztabaidatu eta behin betiko ebazpena hartzea:

- - Euskal Talde Parlamentario Popularrak aurka egiteko aurkeztutako proposamena, Eusko Jaurlaritzaren, Arabako Foru Aldundiaren eta Vitoria-Gasteizko Udalaren artean sinatutako lankidetza-hitzarmen honi dagokionez: Vitoria-Gasteiz hirian autobus elektriko adimenduna ezartzeko. (11\18\01\00\0017)

- - Mozioa, José Ramón Becerra Carollo Elkarrekin Podemos taldeko legebiltzarkideak aurkeztua, Gasteizko bus elektriko adimendunaren kotxetegiei buruz. (11\11\03\00\0055)

- 3. Mozioa, Laura Garrido Knörr Euskal Talde Popularreko legebiltzarkideak aurkeztua, Euskadiko familiei laguntzeko neurri eraginkorrak hartzeari buruz. Eztabaida eta behin betiko ebazpena. (11\11\03\00\0058)

- 4. Euzko Abertzaleak eta Euskal Sozialistak talde parlamentarioek egindako legez besteko proposamena, memoria historikoko politika publikoen tresnen geroari buruz. Eztabaida eta behin betiko ebazpena. (11\11\02\01\0298)

- 5. EH Bildu talde parlamentarioak egindako legez besteko proposamena, Espainiako Estatuak jarritako errekurtsoei buruz. Eztabaida eta behin betiko ebazpena. (11\11\02\01\0276)

- 6. Mozioa, Juan Luis Uria Serrano Elkarrekin Podemos taldeko legebiltzarkideak aurkeztua, Vitoria-Gasteizko ESIen jarduera komunitarioei buruz. Eztabaida eta behin betiko ebazpena. (11\11\03\00\0045)

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau
Ekitaldiko kargudunak