Berriak Lehendakaritza
Eu

Lehendakariak Lolita Chávezi eman dio Ignacio Ellacuria Saria, giza eskubideak defendatzeko egindako lanagatik

2018.eko urtarrilak 29

Sariaren bidez, Guatemalako liderrak esplotazioaren aurrean lurrak babesteko egindako lana eta gizonen eta emakumeen ekitatearen alde egindako borroka aitortu dira

Iñigo Urkullu lehendakariak Lolita Chávezi eman dio garapenerako lankidetzako 2017ko Ignacio Ellacuria Saria. Guatemalako lider hori giza eskubideen eta, bereziki, emakumeen eta herri indigenen defentsan egindako lanagatik nabarmendu da.  Lehendakariak Euskadiren izaera “solidarioa, konprometitua eta mundura irekia” azpimarratu du, eta sari hauen ibilbidean ere islatuta dagoela adierazi du. Sariek, nolanahi ere, euskal gizartean “lankidetzaren kultura oso errotuta dagoela” erakusten dute. Halaber, Eusko Jaurlaritzak sustatzen duen Giza Garapen Jasangarriaren eredua defendatu du.

Chávezi buruz, haren “testigantza inspiratzailea eta giza eskubideekiko konpromisoa” azpimarratu ditu Urkulluk. Gainera, sariduna “itxaropenaren eta borroka baketsuaren erreferentea” dela adierazi du, eta lurrak, baliabide naturalak eta lurraldea babesteko eta esplotazioari, espoliazioari eta garapen-eredu jasanezinei aurre egiteko hainbat erakundetan egindako lana azpimarratu du. Gainera, gizonen eta emakumeen arteko “ekitatearen” alde egindako borroka azpimarratu du. 

Lolita Chávez Bizitzaren, Ama Naturaren, Lurraren eta Lurraldearen Defentsarako K’iche’ Herrien Kontseiluaren (CPK) sortzailea da. Finalista izan da Europako Parlamentuaren 2017ko Sajarov Sarian, giza eskubideen defentsagatik, eta, gaur egun, Bilbon dago, Eusko Jaurlaritzaren harrera-programa baten barruan. Chávezen borrokarik ezagunenetako bat multinazionalen ingurumen-delituen aurkakoa da.

Saria emateko ekitaldia Lehendakaritzan egin da, eta, lehendakariaz gain, Eusko Jaurlaritzaren bozeramaile eta Gobernantza Publiko eta Autogobernuko sailburu Josu Erkoreka, Enpleguko eta Gizarte Politiketako sailburu Beatriz Artolazabal, Osasun sailburu Jon Darpón, Turismo, Merkataritza eta Kontsumoko sailburu Alfredo Retortillo, Lan eta Justiziako sailburu María Jesús San José eta Giza Eskubide, Bizikidetza eta Lankidetzaren idazkari nagusi Jonan Fernández izan dira bertan. Saria emateko ekitaldia Pili Kaltzadak zuzendu du, eta lehendakariaz gain, Garapenerako Lankidetzako Euskal Agentziako zuzendari Paul Ortegak hartu du hitza. Gainera, epaimahaiaren izenean, Ana Oregik irakurri du epaia.

Hitza hartu duenean, joan den larunbatean Auschwitzeko kontzentrazio-esparruaren askapenaren urteurrena dela eta holokaustoko biktimen eguna izan zela adierazi du Urkulluk, eta “giza eskubideen urraketen biktima guztiak” ekarri ditu gogora.

Garapenerako lankidetzaren Ignacio Ellacuria saria Eusko Jaurlaritzak ematen du Lankidetzaren Euskal Agentziaren bidez. Euskadiko eta Euskaditik kanpoko erakundeek, kolektiboek eta pertsona indibidualek herrien arteko berdintasunaren eta justiziaren aldeko borrokan eta pobrezia ezabatzeko borrokan egindako ekarpena aitortzea du helburu, euskal gizartea eta nazioarteko gizarte sentsibilizatze aldera

2 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • @pcantarell
    2018.eko otsailak 06

    Comentario de Twitter:
    Premio Ignacio Ellacuria a Lolita Chávez por su defensa de los derechos humanos https://t.co/AHHycid0AB

  • 2018.eko urtarrilak 31

    El Lehendakari aplaude la lucha de Lolita Chaves... Que lucha contra las empresas... a las que el lehendakari ayuda a expandirse... en los territorios que lucha Lolita.
    Esto... ¿qué es? ¿Posverdad? ¿Posmodernismo? ¿Postureo? O más bien el mismo cinismo de siempre.
    Que no nos engañen con su propaganda.

Ekitaldiko kargudunak