Euskal Enplegu Publikoaren Legearen Aurreproiektua. Ondorioak.

Euskal Enplegu Publikoari buruzko Legearen Aurreproiektua, duela 25 urte, indarrean dagoen funtzio publikoaren araudiaren berrikuspen osoa da, eta euskal administrazio publiko desberdinetan lan egiten dutenen lan baldintzen erregimen eta funtzionamendua modernizatzea ahalbidetuko du.

Arau integrala da, langile publikoen ibilbide profesionalaren aspektu guztiak arautuko dituena, enplegu publikoko eskaintza berri batera aurkeztea erabakitzen denetik, erretiroaren unera arte. Horrela, legeak honako alderdi hauei helduko die:

-  Langile enplegatu publikoen hautaketa eta prestakuntza

-  Funtzionarioaren izaera eskuratzea eta galtzea

-  Lanpostuen zuzkidura eta mugikortasuna

-  Ordainsarien eta eskubide eta betebeharren sistema

-  Jokabideen kodea eta bateraezintasunak

-  Diziplina-araubidea

-  Negoziazio kolektiboa

-  Langile enplegatu publikoen hizkuntza-normalizazioa eta langile funtzionarioen administrazio-egoeren normalizazioa

Lege berri honek helduko duen erronka nagusia, kolektibo batzuen bitartekotasun-tasa handiak murriztea da. Gobernuak proposatzen du enplegua finkatzeko prozesu bereziak abiaraztea, administrazio publikoetan, jada, lanean ari direnen urteetako lana eta prestakuntzaren ondorioz lortutako ezagutza baliatzeko.

Interesdunen arteko partaidetza bideratze aldera, eztabaida publiko hau zabaldu genuen entzute aktiboko ataria den honetan, Irekian, iritziak jaso eta proiektuaren arduradunei bidaltzeko.

Azkenik, Irekiako partaidetzari buruzko datuak honako hauek izan dira:

- Hasiera data: 2017ko azaroaren 8a

- Bukaera data: 2017ko abenduaren 11

- Klik kopurua (2018/01/12ra arte): 3.721

- Iritziak: 11

- Post ofizialak: 1

- Aldeko argudioak: 3

- Kontrako argudioak: 0

- Aldeko botoak: 1

- Kontrako botoak: 0