Berriak Ingurumena, Lurralde Plangintza eta Etxebizitza

Ullibarriko urtegiak asteburuan ura husteari ekingo dio, azken orduko meteorologia aurreikuspenak aintzat hartuta

2018.eko urtarrilak 05

Aurrena, urtegiaren kudeaketarako protokoloak zedarritutakoari jarraiki hasiko da hustutzen; hustutzen hasi eta 12 ordura, 30m³/s ur isuriko da Zadorrara

Astebururako azken orduko meteorologia-aurreikuspenen arabera, atzoko aurreikuspenek ziotena  baino euri oparoagoak datoz, eta urtegiaren ur-maila azkarrago hasaraziko dute, hortaz

 Ullibarriko ur-lamina urtegi-gainezkabidearen maila parean da; beraz, prebentziozko ur-hustutzea egitea ahalbidetzen du; azkeneko euri- eta tenperatu-aurreikuspenak egikaritzekotan,   leku egiteko Ullibarrin bilduko diren euri-ur berri nabarmenei

Vitoria-Gasteiz. 05.01.2018. Gaur arratsaldeko 17:30etan, Uraren Euskal Agentziaren egoitzan bildu da Zadorraren sistemaren jarraipenerako erakundeen arteko mahaia (urtegi-sistema honen jarraipena egiteko adostutako protokoloak zedarritutakoari jarraiki). Uraren Euskal Agentziako zuzendari nagusi Ernesto Martinez de Cabredo  izan da  mahaiko lehendakari lanetan. Mahai honetara erakunde hauetako ordezkariek dira deituak: URA-Uraren Euskal Agentzia, Eusko Jaurlaritzako Larrialdiei Aurre Egiteko eta Babes Zibileko Zuzendaritza, Arabako Foru Aldundia, Eudel, Vitoria-Gasteizko Udala, AMVISA, Bilbao Bizkaia Ur Partzuergoa eta Iberdrola.

Mahaiaren batzar berri honen xedea: Euskalmetek igorritako azken orduko meteorogia-aurrikuspenak elkarrekin aztertzea. Izan ere, asteburuan euria nabarmen areagotuko da, eta, ondorioz, Zadorrako sistemako urtegien betetze maila azkarrago haziiko da, atzoko aurreikuspenekin alderatuta.

Ullibarriko urtegiaren ur-laminak urtegi-gainezkabidearen kotarekin bat egin du gaur: orain, bada, ur-hustutzeari ekin al zaio. Beraz, azken orduko meteorologia-aurrikuspenak (atzo iragarritakoekin alderatuta, nabarmen handiagoak) aintzat hartuta: mahaiak eztabaidatu egin du urtegien ohiko kudeaketa-protokoloak, halako egoera baterako,  ezarritako emariak baino  emari handiago husteaz. Hartara, urtegiak euri-urei eusteko ahalmena gorde dezaten, datozen egunetan euritea etor dakigukeelakoan.

Urtegien egoera, zein datozen egunetarako hidrologia- eta meteorologia-aurreikuspenak aztertu eta gero, mahaiak aho batez honakoa eskatu dio Ebroko Konfederazio Hidrografikoari:

  • Gaur bertan, urtegien kudeaketa-protokoloak ezarritako emari ohikoetan husten hastea (orain dagoen mailarekin, 6-10 m³/s-ko hasi eta, orduak joan ahala, ur-mailak gora egiten duen heinean, 20 m³/s-ra arte igo).
  • Eta hustutzea hasi eta 12 ordura,  30m³/s-ra igotzea. Baita asteburuan hustutze-emari horri eustea ere, Zadorrako arroaren eboluzioaren arabera bestelakorik erabaki arte (emango diren euri-ekarpenen arabera).

Litekeena da asteburu osoan ur-hustutzeak mantendu behar izana, baina ez da aurreikusten Zadorrako arroan arrisku egoerarik sortuko denik. Horregatik, jendarteari lasaitasun-mezu bat helarazten dio Mahaiak: Zadorrako urtegi-sistemaren eboluzioa  aztertzen jarraituko du, eta urtegi-sistemaren kudeaketan suerta litezkeen berriak jakinaraziko ditu.

Oraindik ez dago iruzkinik
  • Zerbait esan nahi duzu?… iruzkindu albiste hau
Komunikabideek behera kargatzeko
Ekitaldiko kargudunak
(XI legealdia 2016 - 2020)