Berriak Ingurumena, Lurralde Plangintza eta Etxebizitza

Alokairu sozialera bideratuko diren 28 etxebizitzaren erosketa, 4.297.700 eurotan (Gobernu Bilera 2017-12-26)

2017-12-26

Euskadiko udalerrietan dagoen alokairuko etxebizitzen eskaria aztertuta, Ingurumen, Lurralde Plangintza eta Etxebizitza Sailak beharrezkotzat jo du lurzoru-ondare publikoa gehitzea eta, hartara, premia horri erantzuteko aukera emango duten etxebizitzak erostea. 

Hori dela eta, Gobernu Kontseiluak Sail honi baimena eman dio 28 etxebizitza erosteko eta alokairu sozialera bideratzeko –VISESA ari da etxebizitza horiek eraikitzen—.Zehazki, 10 etxebizitza eta dagozkien erantsiak, azalera-eskubidean, Irunen ari dira eraikitzen, eta erregimen orokorreko babes ofizialeko beste 18 etxebizitza eta dagozkien erantsiak Hondarribian ari dira eraikitzen. Alokabide sozietate publikoak kudeatuko ditu etxebizitza horiek guztiak. 

Salerosketako prezioa 4.297.700 €-koa izango da. 

Bestalde, Gobernu Kontseiluak Ingurumen, Lurralde Plangintza eta Etxebizitza Sailari baimena eman dio 800.000 €-ko zuzeneko diru-laguntza emateko Sestao Berri S.A. sozietate partaidetuari, Sestao udalerrian gizarte- eta hirigintza-biziberritzearen arloko jardunak egiteko.

 

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko