Berriak Osasuna
Eu

Jaio aurretik gaixotasun genetikoak detektatzeko hiru gailuren sorreran hartzen ari da parte Osakidetza

2017.eko azaroak 01

  • Ikerketa zentroen, unibertsitateen eta Europa osoko hainbat enpresen partzuergo handi baten partaidetza jaso duen proiektua da, besteak beste Basurtoko eta Donostiako Unibertsitate Ospitaleena
  • Gaur egun diagnosirako erabiltzen diren teknikak minimizatzen dituzte gailu hauek, modu seguruago, errazago eta merkeagoan jaio aurretik gaixotasun genetikoak detektatzeko
  • Proiektu horren barruan, PCR digitala bezalako metodoetan (laborategian DNAren zati espezifikoak handiagotzea ahalbidetzen duen teknika aurreratua) espezializatutako laborategietan erabiltzea ahalbidetuko duen pieza bat patentatu du Osakidetzak

 

“AngeLab” proiektua, zeinetan Basurtoko Unibertsitate Ospitaleko Genetika Unitateak eta Donostia Unibertsitate Ospitala-Biodonostia Institutuko Genetikako Zerbitzuak parte hartzen duten, amaren odoletik dabilen fetuaren DNA haurtxoaren baldintza genetikoak zehazteko helburuarekin aztertzera zuzendutako mikrofluidoen teknologian oinarritutako hiru gailu garatzea ahalbidetu du.

“AngeLab”-ek egungo teknika inbaditzaileak gutxiagotzen ditu gaur egun jaio aurretik gaixotasun genetikoak detektatzeko erabiltzen direnak baino diagnosirako ekipo seguruagoen, errazagoen eta merkeagoen bitartez.

IK4-IKERLANek ikerketan parte hartu duten ikerketa zentroen, unibertsitateen eta enpresen partzuergo handia koordinatu du. Osakidetzaz gain, Basurtoko Unibertsitate Ospitalearen eta Donostiako Unibertsitate Ospitalearen-Biodonostia Institutuaren bitartez, CING (Txipre) eta DNA Data (Estatukoa), CAN (Alemania), NIPD (Txipre), EVGroup (Austria), Ademtech (Frantzia) eta Biopharma (Erresuma Batua) enpresek ere hartu dute parte partzuergoaren lan komertzialetan. Horiez gain, IK4-GAIKER, Fundación Rioja Salud, Hahn-Schickard (Alemania) eta WUT (Polonia) erakundeek ere osatzen dute partzuergoa.

2012an, “AngeLab” sortu zen, 11 milioi euroko aurrekontuarekin, zeinak Europar Batasunaren finantzazioa lortu zuen Ikerketa eta berrikuntzarako 7. Esparru Programaren bitartez. Proiektua txipak erabiltzen dituzten laborategiko teknologien sistemen linea bat garatzean oinarritu zen, zeina gai den fetuaren hainbat baldintza genetiko amaren odola aztertuz detektatzeko.

Testuinguru horretan, María García Barcina ikertzaileak azaldu duenez, Basurtoko Unibertsitate Ospitaleko Genetika Unitateko arduraduna, “fetuei eragiten dizkieten baldintza genetikoen analisi gehienek diagnosirako metodo inbaditzaileak erabiltzen dituzte, orain arte fetuaren materiala amniozentesi edo korionaren biopsia bidez soilik egin baitaiteke".

“Badakigu fetuaren DNA molekula txikiak aurki daitezkeela amaren odol-zirkulazioan, eta proiektu honen xedea fetuaren material hori aztertzea da haren baldintza genetikoen diagnosia egin ahal izateko, metodo inbaditzaileak erabili behar gabe”, adierazi du.

Gainera, “ikertzaileen taldearen esfortzu, konfiantza eta animo guztiak emaitza arrakastatsua lortu du”. Lanaren ondorioz hainbat argitalpen atera dira, kongresuetan hainbat komunikazio egin dira, eta Osakidetzan hasieratik bukaerara garatu den produktu bat erregistratu da.

Ildo horretan, Osakidetzako ikertzaileak Belén Rodriguez Martínezek, Unitateko ikertzailea eta proiektuaren atal oso garrantzitsua, egindako “esfortzua goraipatu” nahi izan du.

Proiektu horren barruan, Osakidetzak PCR digitala edo beste metodo batzuk erabiltzen dituzten laborategi espezializatuetan erabili ahal izango den pieza bat patentatu du. CR da polimerasaren kate-erreakzioarentzat erabiltzen den laburdura (ingelesez Polymerase Chain Reaction), eta DNA zati zehatz txikia laborategian handiagotzeko erabiltzen den teknika zientifiko aurreratu bat da.

Patentea amaren zirkulazioan modu ez inbaditzailean aurki daitekeen DNA aztertzeari dago nagusiki zuzendua, eta osasunaren beste hainbat arlotan ere erabili ahal izango da, minbiziaren azterketan, esaterako, gaur egun merkatuan daudenak baino formatu askoz ere merkeagoan.

Raquel Sáez Villaverde eta Leire Otaolea Santacoloma ikertzaileak, Donostia Unibertsitate Ospitaleko Genetika Zerbitzuko fakultatiboak eta Biodonostia Institutuko obstetrizia eta ginekologia taldeko ikertzaileak, Donostialdea ESIko emagin eta ginekologoei eskertu nahi diete “Sara Perlado Marina Biologia Doktoreak garatutako gailuak balioztatu ahal izateko 400 haurdun baino gehiagoren laginak biltzen lagundu izanagatik”.

Zentzu horretan, ikertzaileek adierazi dute “emaitzen arrakastan sinesten” dutela eta, ondorioz, “partzuergoko hainbat kiderekin lankidetzan” jarraitzen dutela, “lagin kopurua ugarituz, aurretik lortutako emaitzei sendotasuna eta tinkotasuna emateko, eta haurdunarentzat fetua galtzeko arriskurik eragin gabe hainbat gaixotasunen jaio aurretiko diagnosi genetikoa egiteko erabilgarritasuna frogatzeko”.

"AngeLab" partzuergoak Horizonte 2020 eta 7. Esparru Programa ikerketa eta berrikuntzari laguntzeko Europar Batasunaren programen finantzazioa jaso dutenen artean proiektu onenari saria irabazi zuen iaz, Nanoelektronikako Europar Foruan.

 

Proiektuaren bideoa:

https://www.youtube.com/watch?v=qhV2SGIT46g

 

 

 2017/11/01

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau