Berriak Segurtasuna
Eu

Segurtasuneko sailburua Ertzaintzako agintariekin bildu da Kataluniako atentatuen ondorengo egoera aztertzeko

2017.eko abuztuak 18

Gaur goizean, Erandioko Ertzaintzaren egoitza nagusian

Estefanía Beltrán de Heredia Eusko Jaurlaritzako Segurtasuneko sailburuak eta Josu Zubiaga Segurtasuneko sailburuordeak bilera egin dute gaur goizean Ertzaintzako agintariekin, Erandioko egoitza nagusian. Bileraren helburua izan da Kataluniako azken atentatuen balorazioa egitea.

Bileran izan dira Ertzaintzako buru Jorge Aldekoa intendenteburua, Hiritarren Babeserako Alorreko buru Josu Bujanda intendenteburua eta Ertzaintzaren Inteligentzia Bulego Nagusiko Inteligentzia Kriminaleko buru Juan Vicente Bilbao komisarioa. 

Bileran 4. arrisku-mailako segurtasun-neurriak aztertu dira, eta pertsona gehien metatzen den lekuetan arreta eta segurtasun-neurriak areagotzeko beharra nabarmendu da.

Era berean, adierazi da prebentzioan garrantzi handia duela segurtasun-indarren eta -kidegoen arteko elkarlanak, informazioak eta inteligentziak; jakina, babesteko eta erantzuteko operatiboak ezarri beharra ahaztu gabe.

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau
Ekitaldiko kargudunak
Beste gonbidatu batzuk
  • superintendentes Jorge Aldekoa y Josu Bujanda y comisario Juan Vicente Bilbao