URA ikertzen ari da Aguraineko araztegiaren kontrolatu gabeko isurketa berria

URA ikertzen ari da gaur arratsaldean Aguraineko araztegitik Zadorra ibaira heldu den tratatu gabeko hondakin-uren isurketa berria. Instalazioaren titularrak ez dute sarrerako ponpaketan gertatutako hutsegitea atzeman.

Ponpaketaren hutsegiteak tratatu gabeko isurketa sortu du, aurretik araztegira bideratzeko beharrezko urratsa igaro gabe.

URAren ikuskariak bere eguneroko jarraipen lanetan antzeman du isurketa

Dagokion ikerketaren ondoren, errekerimendu edo neurri berriak hartzeko beharra aztertuko da ponpaketa eta araztegiaren azpiegituraren kontrola eskatu eta kontrolatu gabeko isurketak errepikatzea ekiditeko.

 Isurketa horrek baimen bat dauka isurketa horrek betebeharreko baldintzak ezartzen dituena honako puntu hauen inguruan: hainbat parametroren kontzentrazio mugak, arazketa prozesuaren ezaugarriak, isurketak kontrolatzeko sistema, ibaira isurtzen denaren analitikak edo larrialdi egoeratan jokatzeko modua.