Bingen Zupiria sailburua Peraladako Jaialdian izango da, Euskadiko Orkestra Sinfonikoaren emanaldian

Bingen Zupiria Kultura eta Hizkuntza Politikako sailburua Peraladako Jaialdian izango da gaur, Euskadiko Orkestra Sinfonikoaren emanaldian. Jaialdiko eszenatoki nagusian, Malandain Ballet Biarritzekin lankidetzan, eta berriz ere Ainars Rubikisen gidaritzapean, bi erakundeek euren ‘Ederra eta Piztia’ ikuskizun arrakastatsua aurkeztuko dute.

Muntaia hau aurrez Euskadiko Orkestra Sinfonikoaren kontzertu-denboraldian, Miarritzeko Gare du Midin eta Versailleseko Jauregiko Opéra Royal delakoaren denboraldian izandako arrakastaren ondoren iritsiko da lehenengo aldiz Katalunia aldera. Halaber, lehen aldia da Euskadiko Orkestra Sinfonikoa Peraladako Jaialdian dagoela.