Eusko Jaurlaritzak 570 milioi euroko gastua onartu du ikastetxe pribatuen hezkuntza-itunak finantzatzeko
Enplegua sortzeko laguntzen pakete bat ere onetsi du Eusko Jaurlaritzak
Gobernu Kontseiluak gaurko bileran onartu du Euskadiko unibertsitatez kanpoko ikastetxe pribatuen 2017-2018 ikasturteko hezkuntza-itunak gauzatu ahal izateko gastu aurreikuspena. Gastu aurreikuspena 569.916 eurokoa da, Cristina Uriarte Hezkuntza sailburuak bileraren ondoren azaldu duenez.
Hezkuntza-itunak berritu edo izenpetzeko eskaera egin ahal izango dute, Euskadin honako ikasketa hauek eskaintzeko baimenduta dauden ikastetxe pribatuek: Haur Hezkuntza (bigarren zikloa), Lehen Hezkuntza, Derrigorrezko Bigarren Hezkuntza, Batxilergoa eta Lanbide Heziketa. Era berean, Hezkuntza Bereziko gela egonkorrak eta zereginen ikasketarako gelak ere ituntzen dira.
Hezkuntza-itunen bidez, ikastetxe pribatuetako irakaskuntza-jardueratik eratortzen diren gastuak finantzatzen dira, aurrez aipaturiko etapa horietan. Ikastetxean matrikulaturiko ikasle kopuruaren eta osaturiko taldeen arabera kalkulatzen den diru-kopuru hori, pertsonal gastuetara (izan irakasle edo ez irakasle), nahiz ikastetxeen ohiko funtzionamenduak eragindako gastuetara bideratzen da.
2017-2018 ikasturte honetan 299 itunpeko ikastetxe daude Euskadin: 34 Araban, 151 Bizkaian eta 114 Gipuzkoan. Orotara, 7.145 itunpeko gela batzen dituzte guztien artean, unibertsitatez kanpoko hezkuntza maila guztietakoak.
ENPLEGUA SORTZEKO LAGUNTZAK
Bestalde, enplegua sortzeko laguntzen pakete bat ere onetsi du Eusko Jaurlaritzak. Horren berri eman du gaur Enpleguko eta Gizarte Politiketako sailburu Beatriz Artolazabalek.
Horien artean nabarmentzekoak dira laguntza hauek: seme-alabak dituzten familientzako, tokiko erakundeek proiektuak sortzeko, ekintzaileak babesteko, orientazio-zerbitzuetarako, gazteak laneratzeko, errelebo-kontraturako, edo desgaitasunen bat duten pertsonen kontrataziorako.
Gainera, gaur baimendu da 4,5 milioi euroko gastua Euskadiko GGKEen ekintza humanitarioetarako proiektuak finantzatzeko.
2017-07-26 gai-zerrenda
-
-
2017.eko uztailak 28Estimado Emilio:
El incremento al que hace referencia no es tal. En la Orden económica aprobada en el Consejo de Gobierno, además de las aulas concertadas habituales, se incluyen por primera vez todas las aulas concertadas correspondientes a segundo curso de Formación Profesional Básica. Hasta ahora se aprobaban a través de órdenes económicas independientes.
Con respecto al presupuesto para el presente año, el Departamento de Educación ha incrementado su presupuesto global en un 2,1% con respecto al ejercicio anterior.
Gracias por utilizar Irekia y trasladarnos sus sugerencias. -
