Larrialdi batean, badakizu nori deitu?
Berriak Lehendakaritza
qrcode

Lehendakaria izan du mahaiburu Etxepare Euskal Institutuaren patronatuaren bilerak

2017-07-11

Iñigo Urkullu Lehendakaria izan du mahaiburu gaur arratsaldean lehendakaritzaren egoitzan burutu den Etxepare Euskal Institutuaren patronatuaren bilerak. Bertan 2016 urteko jardueren berri eman da, baita datozen lau urteetarako ildo estrategikoen berri ere.

Lehendakariaren agurraren ostean eta aurreko bilerako akta ezagutzera eman eta gero, Institutuko zuzendariak, Miren Arzalluzek, patronatuko kideei 2016 urteko kontuak eta kudeaketa txostena aurkeztu dizkie. Horrekin batera, 2017 urteko aurrekontuen berri ere eman die.

Halaber, datozen lau urteetako ildo estrategikoen aurkezpena egin du Arzalluzek. Alde batetik, bertako erakunde publiko eta kultur eragileekin koordinazio eta lankidetza eraginkorragoa bilatuko du Institutuak, helburu horrekin koordinazio eremuak identifikatuz eta lan dinamika eraginkorragoak martxan jarriaz. Bestetik, hazkunde kualitatiboaren bideari helduko dio, jada sortuak dauden sareak sendotuz eta beste erakunde batzuekin lankidetzan arituz.

Era berean, nazioarteko erakunde eta kultura panoraman herri-irudi nabarmen bat proiektatzeko eta euskal sortzaileen eta hauen lanen ikusgaitasuna areagotzeko ekintza eta komunikazio estrategia berria diseinatuko du.

Azkenik, eta kultur diplomaziaren alorrari dagokionez, Etxeparek EUNICen (Europako Kultura Institutu Nazionalen sarea) duen eragina eta mugaz gaindiko kultura lankidetza areagotzea izango ditu helburu.

2 iruzkin
  • Argazkia SN Robot
    @CamiladeEpalzaA
    2017-07-12

    Comentario de Twitter:
    RT @Gob_eus: .@iurkullu Lehendakaria izan zuen mahaiburu Etxepare Euskal Institutuaren patronatuaren bilerak atzo ➡ https://t.co/c0vQ4fYSIg

  • Argazkia SN Robot
    @CamiladeEpalzaA
    2017-07-12

    Comentario de Twitter:
    RT @Gob_eus: El Lehendakari @iurkullu presidió ayer la reunión del Patronato del Instituto Vasco Etxepare ➡ https://t.co/XMMdpb4UO3 https:/…

Iruzkinak itxita daude dokumentu honetan
Ekitaldiko kargudunak
(XI legealdia 2016 - 2020)