Eu

Bizkaiko Zientzia eta Teknologia Parkeak irabazi du Espainiako Teknologia Parkeen Elkarteak ematen duen “Jardunbide Onenaren” Saria

2017.eko uztailak 06

-        Saritua izan da Aeronautikako Fabrikazio Aurreratuko Zentroa, zeinaren sustatzaile baitira, Parkea, Eusko Jaurlaritza -SPRI Taldearen bitartez-, Bizkaiko Foru Aldundia, UPV-EHU eta beste 40 enpresa

 

Bizkaiko Zientzia eta Teknologia Parkeko Aeronautikako Fabrikazio Aurreratuko Zentroak jaso du “Jardunbide Onenaren” saria, Espainiako Teknologi Parkeen Elkartea (APTE) osatzen duten 60tik gora parkerekin lehiatu ondoren. Zentro horren sustatzaile dira aeronautika eta makina-erreminta sektoreko 40 enpresa, Eusko Jaurlaritza -SPRI Taldearen bitartez-, Bizkaiko Foru Aldundia, UPV-EHU eta Bizkaiko parkea bera. Bere helburua da fabrikazio aurreratuko teknologiak garatzea, teknologia horiek ahalik eta azkarren transferitzeko industria-sarera.

APTEko Zientzia eta Teknologia Parkeetako jardunbide onenaren saria 2014an sortu zen, parkeetako kudeatzaileek beren jarduera-esparruan garatzen dituzten jardunbide onenak saritzeko. Epaimahaiak kontuan hartzen ditu, bai ekimenaren alderdi berritzailea, bai eta nolako eragina duen Zientzia eta Teknologia Parkeko erakundeengan eta bere inguruan.

Aurten, 2.017an, sariketak bere laugarren edizioa bete du, bi kategoriarekin: 10 urte baino gutxiagoko parkeena eta 10 urtetik gorakoena. Bizkaiko Parkeko jardunbide sarituak azken kategoria horretako saria jaso du.  

Bizkaiko Zientzia eta Teknologia Parkeak “Espezializazio adimendun kolaboratiboa sustatuz Aeronautikako Fabrikazio Aurreratuko Zentroaren bitartez (AFAZ)” jardunbide egokia aurkeztu du aurten. 13 puntutik 10,65 puntu eman dizkio epaimahaiak, zeinetan parte hartu duten APTEko zuzendaritza batzordeko 2 kidek, APTEko teknologiaren transferentziarako batzordeko 2 kidek eta APTEko koordinazio unitateko 2 kidek. Bizkaiko Parkearekin batera, antzinatasun handieneko parkeen kategorian akzesit bana jaso dute Andaluziako Teknologi Parkeak eta Bartzelonako Parc Científic parkeak.

 

Bizkaiko Teknologi Parkeko Aeronautikako Fabrikazio Aurreratuko Zentroa (AFAZ) bi esparrutara zuzenduta dago, aeronautikara eta 4.0 industriara. Bere helburua da fabrikazio industrialeko prozesuak ikertzea eta emaitza horiek zuzenean enpresetara transferitzea.  Bizkaiko parkeak, gainerako erakunde eta enpresekin batera, paper garrantzitsua jokatzen du prozesu horretan.

Aeronautikako Fabrikazio Aurreratuko Zentroak fabrikazioko teknologia aurreratuak garatzen ditu, teknologia horiek ahalik eta azkarren transferitzeko industria-sarera. Gainera, topagune eta elkarlanerako espazio bihurtu da motor aeronautikoen osagaien sektoreko eta sektore estrukturaleko gaitasun, interes eta ibilbideak dituzten agente eta enpresentzat.

Hala, AFAZri esker, Teknologi Parkea erreferente bihurtu da Estatuan nahiz nazioartean, eta ekimen publiko-pribatu aitzindari izatera iritsi da 4.0 industriaren eta manufaktura aurreratuaren esparruan. Aipatzekoa da, garapen teknologiko berrien katalizatzaile izateaz gain, zentroak indartu egiten duela unibertsitateak parkearekiko duen harreman kolaboratiboa eta harreman-eredu berri bat sortzen duela unibertsitate-enpresa ardatzean.

Euskadiko Teknologi Parkeak liderrak dira Estatuan eta munduan, bai kudeaketan eta bai berrikuntza-ereduetan. Parkeetako proiektuek aitortza garrantzitsuak jaso dituzte, hor dugu, adibidez, “Un Reto para el Parke” ekimena, duela gutxi aukeratua izan dena IASP elkarteak (International Association of Science Parks and Areas of Innovation) sustatzen duen mundu mailako Inspiring Solutions programako 10 finalisten artean.

Sari-banaketa ekitaldia APTEren XV. Nazioarteko Konferentzian egingo da, Donostian, azaroaren 22 eta 23an, Gipuzkoako Zientzia eta Teknologia Parkeak antolaturik. Aurten konferentzia Basque Industry 4.0 ekitaldiaren barruan txertatuko da, zeina azaroaren 22an egingo baita Donostiako Kursaalen.

 

9 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • @mirenarantza
    2017.eko uztailak 07

    Comentario de Twitter:
    RT @Irekia: El Parque Científico y Tecnológico de Bizkaia ganador del Premio “Mejor Práctica” que concede la APTE ➡ https://t.co/BbxTz9J6wt

  • @Rchancelor80
    2017.eko uztailak 06

    Comentario de Twitter:
    RT @Irekia: El Parque Científico y Tecnológico de Bizkaia ganador del Premio “Mejor Práctica” que concede la APTE ➡ https://t.co/BbxTz9J6wt

  • @iurkiaga
    2017.eko uztailak 06

    Comentario de Twitter:
    RT @Irekia: El Parque Científico y Tecnológico de Bizkaia ganador del Premio “Mejor Práctica” que concede la APTE ➡ https://t.co/BbxTz9J6wt

  • @jescoin
    2017.eko uztailak 06

    Comentario de Twitter:
    RT @Irekia: El Parque Científico y Tecnológico de Bizkaia ganador del Premio “Mejor Práctica” que concede la APTE ➡ https://t.co/BbxTz9J6wt

  • @madeinbasque
    2017.eko uztailak 06

    Comentario de Twitter:
    RT @Irekia: El Parque Científico y Tecnológico de Bizkaia ganador del Premio “Mejor Práctica” que concede la APTE ➡ https://t.co/BbxTz9J6wt

  • @bilbao_miren
    2017.eko uztailak 06

    Comentario de Twitter:
    RT @Irekia: El Parque Científico y Tecnológico de Bizkaia ganador del Premio “Mejor Práctica” que concede la APTE ➡ https://t.co/BbxTz9J6wt

  • @CristinaAndresU
    2017.eko uztailak 06

    Comentario de Twitter:
    RT @Irekia: El Parque Científico y Tecnológico de Bizkaia ganador del Premio “Mejor Práctica” que concede la APTE ➡ https://t.co/BbxTz9J6wt

  • @jonbasterra
    2017.eko uztailak 06

    Comentario de Twitter:
    RT @Irekia: El Parque Científico y Tecnológico de Bizkaia ganador del Premio “Mejor Práctica” que concede la APTE ➡ https://t.co/BbxTz9J6wt

  • @PTAlava
    2017.eko uztailak 06

    Comentario de Twitter:
    RT @Irekia: El Parque Científico y Tecnológico de Bizkaia ganador del Premio “Mejor Práctica” que concede la APTE ➡ https://t.co/BbxTz9J6wt

Komunikabideek behera kargatzeko