Berriak Lehendakaritza
Eu

Eusko Jaurlaritzak euskal enpresen "nazioartekotzearen aldeko" apustua egiten du euren lehiakortasuna hobe dadin

2009.eko azaroak 09

Lopezek Donostiako Zientzia, Teknologia, Berrikuntza, Kalitate eta Bikaintasunaren Astearen hasieran hartu zuen parte

Patxi Lopez lehendakaria I+G+B ekuazioa berriro formulatzearen alde agertu zen, "N" bat gehituz, nazioartekotzearena. "Ezinbesteko" osagaia gure enpresak "kanpoko merkatuetara ireki daitezen, eta, aldi berean, Euskadira inbertitzaileak erakar ditzaten", esan zuen.

Patxi Lopez lehendakariak "nazioartekotzearen" aldeko apustua egin du euskal enpresen lehiakortasuna hobetzeko tresna gisa, mundu mailako krisiaren testuinguruan. Eusko Jaurlaritzak hurrengo urteetan apustu horren "buru" izateko konpromisoa hartu du, beraz, berrikuntzara zuzendutako aurrekontuko partidak %10 handitu ditu. "Gobernu hau I+G+B-rekin guztiz konprometituta dago, horregatik, nahiz eta jasaten ari garen krisia larria izan, inbertitzeko ahalegin handia egiten ari da, aurreko gobernuena baino askoz handiagoa, jakintzaren belaunaldia ezartzearren. Orain inoiz baino beharrezkoagoa da.", esan zuen Lopezek, eta ekuazio horri "N" bat eranstearen aldeko apustua egin zuen: "nazioartekotzearena".

Lehendakariak Zientzia, Teknologia, Berrikuntza, Kalitate eta Bikaintasunaren 8. Astearen hasiera ofizialean hartu zuen parte, Maria Victoria antzokian. Astea Donostian izango da azaroaren 9tik 22ra. Bere ondoan, Industria eta Berrikuntzaren sailburua, Bernabe Unda, Innobasqueko lehendakaria, Pedro Luis Uriarte, eta Euskaliteko lehendakaria, Txema Guisasola, egon ziren.

Bere hitzaldian, Lehendakariak enpresa berrikuntza den "erronkaren" buru izateko desafioa onartu zuen, are gehiago krisialdian. Horretarako, I+G+B ekuazioa berriro formulatzearen alde agertu zen, kontzeptu honi "N" bat gehituz, "nazioartekotzearena". "Lehiakortasunerako ezinbestekoa da gure enpresak kanpoko merkatuetara ireki daitezen, eta, aldi berean, Euskadira inbertitzaileak erakar ditzaten", esan zuen. "Gure jarduerak ezin dira nazioarteko merkatuan dauden mugimenduen ezkutuan izan", adierazi zuen, eta "enpresen errealitatea kontuan hartzen duen berrikuntza sistemaren eraldaketa" erreklamatu zuen, "non unibertsitateek, agente ekonomikoek eta sozialek parte hartuko duten". "Mugetatik at gertatzen denari arreta jartzen dioten sozietateek eta enpresek bakarrik lortuko dute beharrezkoa den barne oreka" gehitu zuen.

Helburu hori lortzeko, Eusko Jaurlaritzak ahalegin gehiago egin ditu "ikerketa, garapen eta berrikuntzaren alde". Horrela, duela gutxi, Aurrekontuetan berrikuntzara zuzendutako partidak %9,35 handitu ziren. 312 milioi euro horiekin Lopezen Gobernuak "I+G+B aurrera eramateko konpromisoa hartzen du, honetan fedea duelako eta egoera igarotzeko eta krisi ikaragarri honetatik lehenbailehen ateratzeko modurik onena delako", esan zuen.

 

 

2 iruzkin
  • 2010.eko martxoak 24

    Es vital salir al exterior.Pienso yo que para internacionalizarse hay que escuchar, entender y atender muy bien y con continuidad a una pléyade de clientes que hablan distintos idiomas, ofrecerles productos de alta calidad distintos y competitivos. Con un servicio de atención a los deseos del cliente exquisita y eficaz. Hay que concentrar el esfuerzo de PYMEs similares y complementarias.
    Internacionalizarse sin esta filosofía es salir como caballo alazán y no encontrar el camino.
    El empresario de Benasque(Huesca) Carlos Barrabés puede ser una fuerte inspiración en el tema de la internacionalización.

  • 2010.eko martxoak 24

    Internacionalizar nuestras PYMES a tumba abierta.

Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak
(IX legealdia 2009 - 2012)
Beste gonbidatu batzuk
  • Lehendakaria