4,2 milioi euro, pertsona desgaituentzako Enplegu Zentro Berezietako jarduera profesionala babesteko unitateak diruz laguntzeko (Gobernu Bilera 2017-05-23)

Azken modalitate horri lotuta eta Enpleguko eta Gizarte Politiketako Sailburu Beatriz Artolazabalek proposatuta, EZBek gauzatzen dituzten Jarduera Profesionala Babesteko Unitateak finantzatzeko xedearekin Lanbidek eskaintzen dituen laguntzen deialdia onartu du gaur Eusko Jaurlaritzak. Laguntzen zuzkidura 4,2 milioi eurokoa da.

Enplegu Zentro Berezien xede nagusia da lan produktiboa gauzatzea, merkatu-operazioetan parte hartuz erregularki, lan ordaindua bermatuz eta bere langile desgaituek beharrezkoak dituzten egokitzapen pertsonal eta sozialeko zerbitzuak eskainiz.

Jarduera Profesionala Babesteko Unitateak, aldiz, eginkizun ezberdinen garapenaren bitartez EZBetako langile desgaituek (lan-merkatu arruntean sartzeko aukera urriak dituztenak) aurkitzen dituzten oztopoak eraisten laguntzen duten talde multiprofesionalak dira. Aurrekoa garun-paralisia duten, gaixotasun mentala duten, % 65eko desgaitasun aitortua edo handiagoa duten desgaitasun intelektual, fisiko edo sentsorialeko pertsonen egoera da, lanpostu bat lortzeko prozesuan edo lanpostu horretan jarraitu nahi dutenean.