Eu

Elikadura eta osasuna Euskadiko Elikagaien Industrientzako aurkera gisa azpimarratu du Bittor Orozek

2017.eko maiatzak 10

Orozek azpimarratu du enpresak eta administrazioa elkarlanean aritu behar direla "sektorea lehiakorra eta berritzailea izatea lortzeko, eta horren bitartez errazagoa izan dadin kontsumo efizientearen eta iraunkorraren kultura lortzea”.

Gaur, Eusko Jaurlaritzako Nekazaritza, Arrantza eta Elikagaien Politikako sailburuorde Bittor Orozek amaiera eman dio “Cluster Eguna”-ri, hau da, Euskadiko Elikaduraren Klusterrak antolatutako jardunaldi irekiari. Ekitaldian zehar, gainera, Klusterrak bere ohiko batzarra egin du. Bere interbentzioan, Orozek exekutibo autonomoak euskal elikagaien sektorearekin duen konpromisoa berretsi du, Euskal Elikagaien Industriaren Lehiakortasun Planean jasota baitago. Izan ere, Plana "proiektu partekatu bat da, tokiko eta kalitateko produktuari lotutako elikagaien industria sendoa, lehiakorra eta iraunkorra garatzen laguntzeko helburua duena”.

Plan honek –gehitu du- gobernu honen ardatz estrategikoetako bati erantzuten dio, jarduera ekonomikoa eta enplegua sortzearena, alegia. Horrez gain, Euskadiko elikagaien industria, bere izaera diferentzialagatik, lehiakorra eta lehen sektorearen traktorea izan daiteke, eta tokiko produktua gehiago balioestea ere ahalbidetu dezake.” Orozek gogoratu duenez, gaur egun sektore honetako salmentak 4.400 milioi euroko zifrara iristen dira, eta kopuru horretatik 845 milioi euro esportazioak emandakoak dira. Gogoratu du, baita ere, sektoreak 100.000 pertsona baino gehiagori ematen diela lana. Euskadiko BPGd-ren %10, gainera, sektoreari zor zaio.

Aukerako lurraldea

Nekazaritzako elikagaien balio katea, beraz, aukerako lurraldea da. Horrek justifikatzen du Eusko Jaurlaritzaren Espezializazio Adimendunaren RIS3 Estrategiaren baitako osasungintzaren ardatzean sartuta egotea.

Orozek, halaber, azpimarratu du enpresen arteko lankidetzan eta enpresen eta administrazioaren artekoan sakondu beharra dagoela. “Konpromisoa eta lankidetza beharrezkoak dira elikagaien industriak sektorea indartu ahal dezan, eta sektorearen lehiakortasuna eta berrikuntza areagotzeko eta kontsumo efizientearen eta iraunkorraren kultura garatzen laguntzeko. Prozesu honetan, Klusterraren lana erreferentziazkoa da katalizatzaile gisa duen zereginean, Administrazioaren aurrean solaskidea eta sektorearen barruan kohesionatzailea izatea dagokio eta.”

Jardunaldiaren garapena

Elikaduraren Klusterreko lehendakari Manu Ginerrek inauguratu du “Cluster Eguna”, eta ekitaldia Bilbao Exhibition Centerren egin da, elikagaien industriaren ingurune ekonomiko eta enpresarial osoarentzat irekita. Nobedade moduan, aurten “berrikuntzaren txokoa" instalatu da, bazkideek garatutako azken berritasunak erakusteko. Ekitaldian, halaber, mahai inguru bat egin da nagusiki “Elikadura eta Osasuna” gaiaren inguruan, eta enpresa bazkideen produktuak ikusteko eta dastatzeko aukera ere egon da bertan.

“Cluster Eguna”-k Euskadiko Elikaduraren Klusterreko Bazkideen Batzar Nagusia ere hartu du bere baitan, non gaur egun egun 75 bazkide biltzen diren, tartean enpresak eta erakundeak direla. Batzarreko kideen artean daude, esaterako, arrantzarekin, esnearekin, haragiarekin, ardo eta edariekin eta beste produktu batzuekin lotura duten konpainia ekoizle, eraldatzaile eta banatzaile nagusiak eta lehengaiak, osagarriak, ekipo ondasunak eta zerbitzuak hornitzen dituzten enpresak.

3 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • @masterMBAe3
    2017.eko maiatzak 30

    Comentario de Twitter:
    Bittor Oroz, viceconsejero de Agricultura, Pesca y Política Alimentaria del Gobierno Vasco, ha clausurado esta... https://t.co/7Czb21Df3R

  • @Inguralde
    2017.eko maiatzak 29

    Comentario de Twitter:
    #Elikadura eta #osasuna #Euskadiko Elikagaien Industrientzako aurkera gisa azpimarratu du Bittor Orozek https://t.co/obhiM12iun

  • @Inguralde
    2017.eko maiatzak 29

    Comentario de Twitter:
    Bittor Oroz destaca la #alimentación y la #salud como oportunidades para la Industria Alimentaria de #Euskadi https://t.co/XcvcC8Z4rx

Komunikabideek behera kargatzeko
Ekitaldiko kargudunak
Beste gonbidatu batzuk
  • Manu Giner, Elikaduraren Klusterreko lehendakaria