Euskadik eta Flandesekgastronomia eta turismo arloko truke-akordioa sinatu dute.

Alfredo Retortillo Eusko Jaurlaritzako Turismo, Merkataritza eta Kontsumo Saileko sailburua eta Ben Weyts Flandeseko Gobernuko Turismo Ministroa bildu dira gaur helmugen sustapen gastronomikoan ezagutza-trukearen eta jardunbide egokien inguruko hitzarmena sinatzeko.

Topaketa Turismo Gastronomikoaren III Mundu Foroaren eremuan izan da.  Retortillo sailburuak azaldu duenez, hitzarmenaren helburua gastronomian daukagun ezagutza-komuna eta “ gure produktuen bikaintasuna eta gure sukaldarien  abileziak “ konpartitzea da; kontuan izanda, elkarrekiko grina eta bi lurraldeek arlo hauetan dituzten trebetasunak

 Gainera, sailburuak komentatu duenez, Turismo, Merkataritza eta Kontsumo Sailetik “Euskadi nazioarteko erreferentzia helmuga gastronomikoa izateko sustapen- estrategiak garatu ditugu”. Horren antzeko hitzarmenek lagunduko diote helburu horri.

Euskadiren eta Flandesen arteko hitzarmenak informazioa trukatzeko eta bion  helmugak sustatzeko  lankidetza dakar, bere alde gastronomikoa nabarmenduz.  Bilera Gastronomiazko Euskal Anaiartean izan da; Xabier Zabaletak (Donostiako Aratz Erretegiko chefa) eta Seppe Nobelsek (Anbereseko Graanmarkt 13 Jatetxeko chefa)   4 eskuz egindako  plater  flandestarrak eta euskaldunak  bazkalduta.