Berriak

Zadorrako urtegien-sistemari buruzko infografia

2017.eko martxoak 17

Uribarri-Ganboa, Urrunaga eta Albinako urtegiek osatzen dute Zadorrako Urtegi-Sistema.  Alegia, Euskadiko ur- geza  iturri nagusiena:  220 HM³.  1947 eta 1957 artean eraiki zituzten, 3 beharrizan asetzeko: EAEko populazioaren ia % 50arraren ur-hornidura, energia hidroelektrikoa ekoiztea eta uholde-arriskugarritasuna gutxitzea.

Urtegien askotariko erabilera eta betekizunak bateragarri egiteko, horien kudeatze eta ustiatzeak erabilera-neurri jakin batzuen mende dira.

Populazioaren ur/hornidurarako baliabide estrategikoa

Egunero egiten den ezinbesteko erabilera hau posible da urtegi-sistema horrek biltzen duen urari esker. Urtero, 23 HM³ inguru ur hartzen da Gasteizko herritar eta industriak asetzeko; beste 95 Hm³ ur Bilboko metropolialdekoenak asetzeko.

Energia hidroelektrikoa ekoiztea

Jatorriz, 1934ean, urtegiak eraikitzearen xedea energia hidroelektrikoa ekoiztea zen: Barazarreko jauzia baliatuta, iparraldeko arrora isuritako uraren turbinatzeari esker. Egun, Iberdrola da jauziaren jabe: haitza barrenean zulatutako 12,5 km luzerako eta 4,25 metroko diametroko galeria indartu batek bideratzen du ura, 300 bat metroko altuera desberdintasuna aprobetxatuz. Bilbo Handiaren ur-hornidura asetzeko ura, hortaz, turbinatu egiten da, Arratia ibaian dagoen Undurragako urtegira heldu baino lehen.

Era berean, Zadorrako arroan, uholde-arriskugarritasuna gutxitzeko baliabidea da.

Euria erruz ari duenean, urtegiek arroko urari eusten diote; beraz, ez baleude, ari izan duen euri  guztiak arroan behera egingo luke ibaian zehar, uholde lautada bere eginez; betiere egin izan duen bezalaxe. Aldiz, ateri denean, eta Zadorra ibaiaren mailak behera egin eta jendartearentzat arriskurik sortzen ez duenean, urtegia hustu egiten da; hartara, balizko euri berrientzako lekua egiteko. Dena dela, egin kontu: hustu ahal izateko, ur-laminak maila jakin bat behar du, ezinbestean. Ondorioz, ezin aldez aurretik hustu, baldin eta urak gutxieneko maila jakin horretara heldu arte. 

Oraindik ez dago iruzkinik
Iruzkinak itxita daude dokumentu honetan
Komunikabideek behera kargatzeko
Ekitaldiko kargudunak