Berriak Hezkuntza
Eu

Hezkuntzako Enplegu Publikorako Eskaintzan izena emateko epea irekitzear da

2017.eko otsailak 23
  • EPErako eskaerak aurkezteko epea bihar irekiko da; otsailaren 24tik martxoaren 15era izango da zabalik (biak barne)
  • Lehen proba ekainaren 17an burutuko da BECen
  • Hezkuntza Sailak Haur eta Lehen Hezkuntzako maisu-maistrentzako 740 plaza eskaintzen ditu

Euskal Herriko Agintaritzaren Aldizkariak gaur argitaratu du Euskadiko Maisu-maistren kidegoan sartzeko hautaketa-prozedura deitzen duen Agindua, Haur eta Lehen Hezkuntzarako 740 plaza eskaintzen dituena. Deialdi hau argitaratu ondoren, Hezkuntza Sailak bihar irekiko du, otsailak 24, ostirala, eskaerak aurkezteko epea. Martxoaren 15era arte egongo da zabalik epe hori.

Hezkuntza Sailak maisu-maistrentzako 740 plaza eskaintzen ditu (Haur eta Lehen Hezkuntzan), espezialitateen arabera honela banatuta:

Espezialitatea

Plazak

 
 

Haur Hezkuntza

227

 

Lehen Hezkuntza

252

 

Ingelesa

57

 

Gorputz Hezkuntza

37

 

Musika

36

 

Hezkuntza Berezia. Pedagogia Terapeutikoa

105

 

Hezkuntza Berezia. Entzumena eta Hizkuntza

26

 

Guztira

740

 

 

Lehen proba, ekainaren 17an BECen

Oposizio-aldiak bi proba izango ditu, eta horietako bakoitza bi zatitan egituratuko da. Proba bakoitza kanporatzailea izango da. Bi probetan lehenak, ekainaren 17an Bilbao Exhibition Centren burutuko denak, aukeratutako irakaskuntza-espezialitateari buruzko berariazko jakintzak frogatzea izango du helburu.

Lehen probaren lehen zatian, izangaiek gai bat idatziz garatu beharko dute, espezialitate bakoitzeko gai-zerrendatik epaimahaiak ausaz aukeratutako gaien artetik aukeratuta. Bi ordu izango dituzte proba hau burutzeko. Ondoren, bigarren zatian, proba praktikoa izango dute –hau ere idatziz egin beharrekoa-, hautagaiek aukeratutako espezialitateari dagokion prestakuntza zientifikoa eta trebetasun teknikoak menderatzen dituztela frogatzeko. Lehen probaren zati biak gainditzen dituztenek bigarren proba egin ahal izango dute. Bigarren proban, aurrez –maiatzean- entregatu behar izan duten programazio didaktikoa aurkeztu eta defendatu beharko dute hautagaiek epaimahaiaren aurrean ahoz, eta unitate didaktiko bat aurkeztu beharko dute ondoren.

Hautagaiek kontuan izan beharreko egutegia:

-       Eskaerak betetzeko epea: otsailaren 24tik martxoaren 15era (biak barne)

-       Programazio didaktikoa aurkezteko: maiatzean irekiko da epea

-       Merezimenduak aurkezteko: maiatzean irekiko da epea

-       Lehen proba: ekainaren 17an BECen

Deialdi honekin, eta 2015ean nahiz 2016an burututako enplegu eskaintzen ondotik, Hezkuntza Sailak segida ematen dio Enplegu Publikorako Eskaintzekiko izan duen politikari. Era berean, legealdi honetan urtero Enplegu Publikorako Eskaintza bat deitzeko konpromisoa ere berresten du. Familiei lanean nahiz eguneroko bizitzan segurtasun handiagoa ematea du helburu lan eskaintza honek, eta aldi berean egonkortasun handiagoa ematen dio hezkuntza sistemari ere, irakaskuntzaren kalitatean eragin zuzena baitute batak zein besteak.

Hautaketa-prozeduraren inguruko informazioa zehatzago Hezkuntza Sailaren webgunean dago eskura, esteka honetan:

http://www.hezkuntza.ejgv.euskadi.eus/r43-2458/eu/contenidos/informacion/die_ope_2017_maisu_maistrak/eu_def/index.shtml

2 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • @Open_Govern
    2017.eko otsailak 23

    Comentario de Twitter:
    #Hezkuntza-ko EPE - Enplegu Publikorako Eskaintzan izena emateko epea irekitzear da https://t.co/vhaczMEGj5 https://t.co/4CIadvrxxS

    #Hez…

  • @Open_Govern
    2017.eko otsailak 23

    Comentario de Twitter:
    Apertura de plazo para inscripciones en la OPE 2017 de #Educación https://t.co/eobOCRg7LI https://t.co/ypwG3n54ts

    Apertura de plazo para…

Komunikabideek behera kargatzeko
Ekitaldiko kargudunak