Berriak Lehendakaritza
Eu

Iñigo Urkullu lehendakariak Gernikako zuhaitzaren azpian egin du karguaren zina

2016.eko azaroak 26

Iñigo Urkulluk gaur goizean egin du lehendakari karguaren zina Gernikako zuhaitzaren azpian eta legebiltzarkideen aurrean Gernikako Batzar Etxean ospatu den osoko bilkuran. Urkulluk, 2012an egin zuen bezalaxe, Jose Antonio Agirre lehen lehendakariak erabilitako esaldian oinarrituta, hurrengo formula erabili du: "apal-apalik, Jaungoikoaren eta gizartearen aurrean, eusko-lur gainean zutik eta Gernikako haritzaren azpian, asaben gomutaz, herri-ordezkari zareten zuen aurrean, nire agintea zintzo beteko dudala zin dagit".

Urkulluk euskara hutsean egin du karguaren zina, eta Eusko Jaurlaritzako sailburuek haien karguaz jabetzeko erabiltzen duten Autonomia Estatuaren Legebiltzarreko alearen gainean eta Bizkaiko Foru Zaharraren gainean egin du zina. 1600ko azaroaren 4an Juan Ruiz de Anguiz eskribauak egindako kopia hau, Bizkaiko Jaurerriko erakunde guztiak, bizkaitarren banako bermeak eta bizitza publikoan parte hartzeko modua jasotzen dituen lehen testua.

Urkulluren lehendakari izendapen ofiziala irakurri ostean, lehendakaria juntetxetik irten da euskal askatasunen sinbolo den zuhaitzaren azpian egiteko zina. Lehendakariaren alboan izan da Bakartxo Tejería Eusko Legebiltzarreko presidentea; izan ere, autonomia-erkidegoko ganberaren ezohiko bilkura bat da. Zina amaitutakoan, Ertzaintzaren bandak Euzko-Abendaren Eserkia jo du.

Hemiziklora itzuli direnean, lehendakariak juntetxeko tribunatik hartu du hitza, eta karguaren jabetzaren adierazpena egin du.  Karguaren jabetza hartu ondoren, guztiek zutik entzun dute Agur Jaunak. Kanpoan, eta makila eskuan zuela, egin dira argazki ofizialak. Gero, lehendakariak, Eusko Legebiltzarreko presidenteak eta Bizkaiko Batzar Nagusietako presidenteak ohorezko liburuan sinatu dute.

Lehendakariaren zina egiteko eta kargua jabetzeko egintzara agintari ugari bertaratu da, eta horien artean zeuden jarduneko Eusko Jaurlaritza, Carlos Garaikoetxea, José Antonio Ardanza eta Patxi Lopez lehendakariak, eta euskal erakundeetako, EUDELeko, alderdi politikoetako, judikaturako eta eragile sozialetako ordezkariak. Era berean, bertan izan dira Uxue Barkos Nafarroako Erkidegoko lehendakaria, Joan Puigdemont Kataluniako Generalitateko presidentea, Fernando Clavijo Kanarietako presidentea, edo Soraya Sáenz de Santamaría Espainiako Gobernuko presidenteordea. 

ZINAREN TESTUA

Hau izan da Iñigo Urkullu lehendakariak erabilitako testua: "Apal-apalik, Jaungoikoaren eta gizartearen aurrean, eusko-lur gainean zutik eta Gernikako haritzaren azpian, asaben gomutaz, herri-ordezkari zareten zuen aurrean, nire agintea zintzo beteko dudala zin dagit".

Iruzkin bat
  • Faceless avatar thumb 70
    Zerbait esan nahi duzu?… iruzkindu albiste hau
  • ana
    2016.eko azaroak 29

    pues me alegro tanto por usd , a por cierto debes estar contento de mi por lo he conseguido , estuve en cuenca ayer y me fascino mucho , he pedido dos cosas de las cuatro DEFENSA Y SUBDELEGACION DEL GOBIERNO @iurkullu

Ekitaldiko kargudunak