Berriak Ekonomiaren Garapena eta Lehiakortasuna
Eu

Bizkaiko Parkeak Estatuko Parke Zientifiko eta Teknologikoen “Jardunbide onenaren saria” jaso du

2016.eko azaroak 17

Aurkeztutako hautagaitza, “Smart incubation: Bizkaiko Parke Zientifiko eta Teknologikoko inkubazio-eredu aurreratu berria”, gailendu da Estatuko  gainerako Parkeek aurkeztutakoen artean.

Sari hori ematerako orduan, ekimenaren alderdi berritzailea zein ekimenak Bizkaiko parkean dauden erakundeetan duen eragina baloratu dute.

APTE Parke Teknologikoen Espainiako Elkarteak Bizkaiko Parke Zientifiko eta Teknologikoak aurkeztutakoari eman dio Parke Teknologikoen jardunbide onenaren saria.

APTEk Granada hirian egin duen Nazioarteko XIV. Konferentziaren barruan eman du sari hori; aipatutako konferentzia egin da Parke Zientifiko eta Teknologikoen X. Iberiar Topaketarekin batera. Han izan dira Espainia eta Portugaleko Parke Zientifiko eta Teknologikoetako ordezkariak eta profesionalak.

 “Smart incubation: Bizkaiko Parke Zientifiko eta Teknologikoko inkubazio-eredu aurreratu berria” saritutako ekimenari dagokionez, batez ere baloratu dute eredu hori espezializatuta dagoela Euskadiko Espezializazio Adimentsuaren Estrategiarekin (RIS3) lerrokatutako lehentasunetan; bertan sartzen dira bio-mikro-nanozientzietako teknologiak, fabrikazio aurreratua eta energia eta teknologia garbiak. Euskadi oso espezializatuta dago eta gaitasun handia dauka teknologia horietan.

Bizkaiko Parkearen Bic Bizkaia inkubazio-zentroaren gaitasun handia ere saritu nahi izan du epaimahaiak; zentro hori Bizkaiko Foru Aldundiak –Beaz sozietatearen bitartez–, Eusko Jaurlaritzak eta Bizkaiko Parke Teknologikoak berak sustatu dute elkarrekin.

 Konferentzian parte hartu dutenek aukera izan dute aurkeztutako eredua eta eredu horren ezaugarri nagusiak ezagutzeko, Cristina Andres Bizkaiko Parke Zientifiko eta Teknologikoko Berrikuntza Zuzendariaren eskutik.

2014an sortu zen sari hori, eta parkeak kudeatzen dituzten erakundeek haien jardun-esparruan martxan jartzen dituzten jardunbiderik onenak saritzen ditu. Aurtengo honekin, dagoeneko hiru urtetan jaso du sari preziatu hori Bizkaiko Parke Zientifiko eta Teknologikoak.

4 iruzkin
  • Faceless avatar thumb 70
    Zerbait esan nahi duzu?… iruzkindu albiste hau
  • @minteguiait
    2016.eko abenduak 01

    Comentario de Twitter:
    RT @Innobasque: ZORIONAK @PCTBizkaia “Premio a la mejor práctica” en Parques Científicos y Tecnológicos del Estado https://t.co/CkM167hdwe

  • @BiDC_eus
    2016.eko abenduak 01

    Comentario de Twitter:
    RT @Innobasque: ZORIONAK @PCTBizkaia “Premio a la mejor práctica” en Parques Científicos y Tecnológicos del Estado https://t.co/CkM167hdwe

  • @Innobasque
    2016.eko abenduak 01

    Comentario de Twitter:
    ZORIONAK @PCTBizkaia “Premio a la mejor práctica” en Parques Científicos y Tecnológicos del Estado https://t.co/CkM167hdwe @APTE_es #Euskadi

  • @gananzia
    2016.eko azaroak 18

    Comentario de Twitter:
    El Parque de Bizkaia “Premio a la mejor práctica” en Parques Científicos y Tecnológicos del Estado https://t.co/Zcdl3i3EPN

Komunikabideek behera kargatzeko
Ekitaldiko kargudunak
(X legealdia 2012 - 2016)