Berriak Hezkuntza, Hizkuntza Politika eta Kultura
Eu

7,9 milioi eskola garraioko 79 ibilbideren kontrataziorako (Gobernu Bilera 2016-11-15)

2016.eko azaroak 15

Gobernu Kontseiluak gaurko bileran baimendu du 7.912.624,5 euro bideratzea Hezkuntza, Hizkuntza Politika eta Kultura Sailaren menpeko ikastetxe publikoetarako eskola-garraioaren zerbitzua kontratatzeko. 

Zehazki, Euskadin egun dauden 537 ibilbideen arteko 79 aterako dira lizitazioan: 37 ibilbide Araban, 6 Gipuzkoan eta 36 Bizkaian, orotara egunero 3.000 ikasle inguru garraiatzen direlarik horietan. Kontratu honen iraupena 2018-2019 ikasturte amaiera artekoa izango da (2019ko ekaina), ikasturte bat gehiago luzatzeko aukerarekin.

Hezkuntza, Hizkuntza Politika eta Kultura Sailak urtero ateratzen ditu lizitaziora indar-aldia amaitu zaien eskola-garraioko ibilbideak, bai eta sor behar berriak direla-eta sor daitezkeen ibilbide berriak ere.

2016-2017 ikasturte honetan unibertsitatez besteko hezkuntza mailetan ari diren 24.000 ikasle inguru garraiatzen dira egunero Euskadiko 260 ikastetxe publikotara, Eusko Jaurlaritzak kontratatutako zerbitzu hauen bidez.

Oraindik ez dago iruzkinik
  • Faceless avatar thumb 70
    Zerbait esan nahi duzu?… iruzkindu albiste hau
Komunikabideek behera kargatzeko