Enpresa kooperatibetan berdintasuna nola sustatu eztabaidatu dute Emakundek antolatutako jardunaldian

Emakundek Euskaliten Kudeaketa Aurreratuaren Europar Astearen barruanantolatutako jardunaldia egin da gaur goizean izenburu honekin: Berdintasuna estrategia aurreratua enpresa kooperatibetan. Bertan, kooperatibetako zenbait eredu aztertuko dira, besteak beste, Arrasateko kooperatibena, eta  konkretuki EMUN eta LABORAL KUTXArenak. Jardunaldian emakumeen ahalduntzea buktzatzea erakundeentzako estrategikoa dela azpimarratu da, besteak beste.  

Izaskun Landaidak, Emakundeko zuzendariak, azpimarratu duenez, "enpresetan berdintasuna egotea lehenik eta behin justizia sozialak eskatzen duen zerbait da, eskubide bat da, emakumeen eta gizonen berdintasunerako legeetan jasoa; baina horretaz gainera, berdintasunaren eta produktibitatearen artean, eta berdintasuna eta bikaintasunaren artean lotura badagoela azpimarratu behar da".

Jardunaldia bukatzean, hamabi entitatek jaso dute Emakundek urtero banatzen duen Berdintasunerako Entitate Laguntzaileen ziurtagiria. Hauek dira entitateak: Berziklatu, Construcciones Mariezkurrena, Construcciones Zubieder, Asociación para la Revitalización del Bilbao Metropolitano, Euskal Herriko Sexu Heziketa Eskola Kooperatiba, Construcciones Francisco Ayerbe, Bycam, Construcciones Moyua, BPG Coordinadores de Seguridad, AVIFES, Autobuses Cuadra eta Metro Bilbao